Connect with us

Uncategorized

කොරෝනාවට ලෝකයම යටවෙද්දී අපි රට බේරගත්තා… මැතිවරණයේ රැස්වීම්වත් කලේ නෑ..

රාජ්‍ය නිලධාරීන්, ත්‍රිවිධ හමුදාව හා පොලිසිය සහ සෞඛ්‍ය ක්ෂේත්‍රයේ ඉන්න අයත් සමග කැපවීමෙන් අපි වැඩ කරනවා යයි මහාමාර්ග අමාත්‍ය ජොන්ස්ටන් ප්‍රනාන්දු මහතා පවසයි.

මුළු ලෝකයේම රටවල් වහගෙන යනකොට අපේ ජනාධිපතිතුමා, අගමැතිතුමා, රජය, ත්‍රිවිධ හමුදාව, සෞඛ්‍ය සේවාවේ නිලධාරීන්, P.H.I. මහත්වරුන් මහා දැවැන්ත සේවයක් කරලා තමයි අපේ රට ආරක්ෂා කර ගත්තේ. අපි පිළිගන්න ඕනි අවම මරණ සංඛ්‍යාවක්. ඊළඟට අපිට මතකයි දැන් විපක්ෂයෙන් යම් යම් චෝදනා කරනවා ආණ්ඩුව මේක හරියට කළේ නැහැ කියලා. ජනතාව ආරක්ෂා කළේ නැහැ, කොවිඩ් නැහැ වගේ රටේ රජයේ නායකයා කටයුතු කළේ. රැස්වීම් තිබ්බා. ජනතාව එකතු කෙරුවා. මේ ගැන කිසිම හැඟීමක් කෙරුවේ නැහැ, කියන චෝදනාව තමයි. මේවා අලුත් කතන්දර නොවේ. මේ කතන්දර පහුගිය මාස හයේ ම ඇහුවා.

අපි මැතිවරණයක් තිබ්බා. ඒ මැතිවරණයේ පෝස්ටරයක් ගහන්න දුන්නේ නැහැ. ජනතාව රැස් කරන්න, මහා රැස්වීම් තියන්න ඉඩ දුන්නේ නැහැ. එතකොට විපක්ෂය කිව්වේ කොවිඩ් එක හරහා ඡන්දය කරන්න හදනවා. මේක නිසා ජනතාව ඡන්දය දෙන්න යන්නේ නැහැ. මේ නිසා විශාල ප්‍රශ්නයක් වෙනවා. ඒ නිසා විසුරුවපු පාර්ලිමේන්තුව නැවත කැඳවන්න. පාර්ලිමේන්තුව කැඳෙව්වේ නැත්නම් covid එක පාලනය කරගන්න බැරි වෙනවා. පාර්ලිමේන්තුව නැවත කැඳෙව්වේ නැත්නම් පනත් සම්මත කරගන්න බැරිවෙනවා. ඒ නිසා covid එක පාලනය කරගන්න බැරි වෙනවා. කොවිඩ් එක පාලනය කරගන්න මුදල් අවශ්‍ය වෙනවා. මුදල් නැතිව මේක කරන්න බැහැ. ඒ නිසා පාර්ලිමේන්තුව වහාම කැඳවන්න. විසුරුවපු පාර්ලිමේන්තුව නැවත කැඳවන්න. ඔවුන් බල කෙරුවා විතරක් නෙවෙයි උසාවිත් ගිහින් තමයි නතර වුණේ.

අන්තිමට විශාල ප්‍රතිශතයක් ඡන්දය ලබා දීලා කවදාවත් 2/3 ගන්න බෑ කිව්ව ජේ ආර් ජයවර්ධන මහත්තයා හදපු මැතිවරණ ක්‍රමය හරහා 2/3 ජයග්‍රහණයක් රජය ලබාගත්තා. ඒ විශ්වාසය මං හිතන්නේ කෝවිඩ් එක පාලනය කරපු නිසා තමයි විජයග්‍රහණයක් ලබා ගන්න ජනතාවට දැඩිව විශ්වාස ආවෙ. මේ රටේ ජනතාව කල්පනා කෙරුවා ජනාධිපතිතුමාට අවශ්‍ය ශක්තිමත් රජයක් හදලා දෙන්න ඕනි කියලා. විපක්ෂය එදා බලාපොරොත්තු වුණේ මේ රටේ ජනතාව රකින්න නෙවෙයි. විපක්ෂය බලාපොරොත්තු වුණේ කෝවිඩ් එක හරහා අපේ රටේ මිනිස්සු මැරෙයි කියලා. මැරෙන ගාන ගනන් කරන්න හිටියේ. එක් අමාත්‍යවරයෙක් ප්‍රකාශයක් කෙරුවා ඉස්සෙල්ලාම covid එකෙන් එක්කෙනෙක් මැරුනා. අණ්ඩුව හංගගෙන ඉන්නේ කියලා. ඒ නිසා ජන ජීවිතත් එක්ක විපක්ෂය වගකීමක් නැහැ. ඒ ජන ජීවිත බිල්ලට දෙන්න කැමති විපක්ෂයක් අද ඉන්නේ. අපේ ආණ්ඩුව එහෙම නොවෙයි.

දැන් විපක්ෂයේ මොනවද කියන්නේ. ආපහු රට වහන්න ඕනි කියලා. ඇයි? මේ බලන්නේ එක පැත්තකින් බලනවා කොවිඩ් එක හැදිල මිනිස්සු මැරෙන්න ඕනි කියලා. අනිත් පැත්තෙන් බලන්නේ රට වහලා කොහොම හරි ආර්ථිකය වට්ටන්න. මේක තමයි ඔවුන්ගේ තිබෙන එකම පරමාර්ථය. ඔවුන් මේ සද්භාවයෙන් රටේ ජනතාව ගැන බලන විපක්ෂයක් නොවේ අද තියෙන්නේ. විපක්ෂයත් එහෙමයි. විපක්ෂ නායකතුමා එහෙමයි. විපක්ෂ නායකතුමා ෆේස්බුක් එකේ ගිහින් live ගිහින් කිව්වා බෙහෙතක් ගන්න කියලා. Donald Trump වගේ. මතකයිනේ ප්ලැකනිල්.

ඒ නිසා වගකීමකින් තොරව වැඩ කරන්න හොඳ නැහැ. මේ වෙලාවෙදි අපි දන්නවා අපේ ජනතාව ආරක්ෂා කරන්න ඕනි කියලා. මොකක්ද ඔවුන්ගේ ගෙනාපු පළවෙනි චෝදනාව. කෝ රට විරුවෝ. ඡන්දය ගන්න විතරයි ගෙනාවේ. දැන් එන්න දෙන්නේ නැහැ. ගෙන්වන්න කියලා බල කෙරුවා. රට විරුවෝ කියලා සැලකුවා ඡන්ද කාලේ. දැන් රට ඉන්න අය ගේන්න දෙන්නේ නැහැ කියලා පාර්ලිමේන්තුවේ කතා කෙරුවා. ප්‍රවෘත්ති සාකච්ඡා තිබ්බා. ආණ්ඩුවට බල කෙරුවා ගේන්න කියලා. ජනාධිපතිතුමා හැම වෙලාවෙම කිව්වේ අපි මේක පරිස්සමින් කරන්න ඕනි කියලා. හැම වෙලාවෙම විපක්ෂය බැලුවේ දේශපාලන වාසි ගන්න. පිට රට ඉන්න මිනිස්සුන් වෙනුවෙන් පෙනී ඉඳලා දේශපාලන වාසි ගන්න. ඒ නිසා අපි ඉතා වගකීමෙන් කියනවා. අපේ සෞඛ්‍ය ක්ෂේත්‍රයේ, ත්‍රිවිධ හමුදාවේ, අපේ රාජ්‍ය නිලධාරීන්ගේ තියන කැපවීම, ගෝඨාභය ජනාධිපතිතුමාගේ තියෙන ස්ථිර අධිෂ්ඨානය, අගමැතිතුමාගේ හා ජනාධිපතිතුමාගේ තියන සුසංයෝගය, ඒ නිසා පැහැදිලිව අපි කියනවා අපි කිසිසේත්ම මේ රටේ ජනතාව අමාරුවෙ වැටෙන කිසිදු තීන්දුවක් ගන්නේ නැහැ. ඉතාමත් වගකීමෙන් කියනවා අපි මේ රටේ ජනතාව ආරක්ෂා කරනවා. ජීවිත අවදානම පවා නොතකා රජය, රාජ්‍ය නිලධාරීන්, ත්‍රිවිධ හමුදාව හා පොලිසිය සහ සෞඛ්‍ය ක්ෂේත්‍රයේ ඉන්න අයත් සමග කැපවීමෙන් අපි වැඩ කරනවා. දැන් ප්‍රචාරය කරනවා මුළු රටම දැන් වහන්න ඕනි කියලා. හැමතැනම Covid ආසාදිතයින් ඉන්නවා කියලා ප්‍රචාරය කරනවා. හැබැයි ඉතාමත්ම උපක්‍රමශීලීව මේ තීන්දු තීරණ රජයක් හැටියට රාජ්‍යය නිලධාරීනුත් එකතු කරගෙන නිවැරදිව තීන්දු තීරණ ගන්නවා.

අමාත්‍යවරයා මේ අදහස් පල කලේ බමුණුකොටුව සෞඛ්‍ය වෛද්‍ය නිළධාරී කාර්යාලය ජනතා අයිතියට පත් කිරීමේ අවස්ථාවට එක්වෙමිනි.

මාධ්‍ය ඒකකය
මහාමාර්ග අමාත්‍යාංශය

Click to comment

Off Road

ජපානයේ දීර්ඝතම අගමැති ධුරය දැරූ උරුමක්කරු!

ජපානයේ දීර්ඝතම අගමැති ධුරය දැරූ ෂින්සෝ අබේ ඔහුගේ විශේෂ විදේශ ප්‍රතිපත්තිය “ඇබෙනොමික්ස්” ලෙස ජනප්‍රිය වූ අතර එය ආර්ථික උපාය මාර්ගයන් සඳහා ප්‍රසිද්ධ විය. ඉතා ජනප්‍රිය, සහ ඉතා මතභේදයට තුඩු දුන් දේශපාලනඥයෙකු වන 67 හැවිරිදි අබේ ජපාන ලිබරල් ප්‍රජාතන්ත්‍රවාදී පක්ෂය දෙවරක් ජයග්‍රහණය කරා ගෙන ගියේය.

ජපානයේ දීර්ඝතම අගමැති ධුරය දැරූ අබේ, සෞඛ්‍ය හේතූන් මත ඉල්ලා අස්වීමට පෙර වසරක් 2006 වසරේ සහ පසුව 2012 සිට 2020 දක්වා සේවය කළේය.

නිලයේ සිටියදී, ඔහු ආරක්ෂක සහ විදේශ ප්‍රතිපත්ති පිළිබඳ වඩාත් ස්ථීර ප්‍රතිපත්ති ඉදිරිපත් කළ අතර ජපානයේ සාමවාදී පශ්චාත් යුද ව්‍යවස්ථාව සංශෝධනය කිරීමට දිගු කාලයක් උත්සාහ කළේය.

මුදල් ලිහිල් කිරීම, මූල්‍ය උත්තේජක සහ ව්‍යුහාත්මක ප්‍රතිසංස්කරණ මත ගොඩනැගුණු “Abenomics” නමින් හැඳින්වෙන ආර්ථික ප්‍රතිපත්තියක් ද ඔහු නිර්මාණය කළේය.

ටෝකියෝ අගනුවර සිට සැතපුම් 300 පමණ දුරින් – අබේ පාර්ලිමේන්තු මැතිවරණයක් සඳහා නාරා නගරයේ ප්‍රචාරක කටයුතුවල නිරත වෙමින් සිටියදී අද වෙඩි ප්‍රහාරයට ලක්විය.

දේශනය අතරතුර වෙඩි හඬක් නැඟුණු අතර අබේගේ බෙල්ලට දෙවරක් වෙඩි වැදී ඇත. ඔහු වහා ඇද වැටී ළඟම ඇති රෝහලට ගෙන යන ලදී. එම ස්ථානයේ සිටි ආරක්ෂක නිලධාරින් තුවක්කුකරු අල්ලා ගත් අතර ඔහු දැන් අත්අඩංගුවේ පසුවේ. කෙසේනමුත් පැය හතරක ප්‍රතිකාර වලින් පසුව, ජපාන හිටපු අගමැති අබේ මියගිය බව ප්‍රකාශ විය.

සාක්ෂිකරුවන් විසින් විස්තර කරන ලද ආකාරයට විශාල තුවක්කුවක් රැගෙන ගිය පුද්ගලයෙකු හිටපු අගමැතිවරයාට පිටුපසින් දෙවරක් වෙඩි තබා ඇත.

වෙඩි තැබීම සමඟ එම අවස්ථාවේ ඡායාරූපවලින් පෙනී යන්නේ වෙඩිකරු අගමැති අබේට පිටුපසින් සිටන ආකාරයයි.

Continue Reading

Uncategorized

අතහැර දැමූ ට්‍රක් රථයක මළසිරුරු 46ක් !

ඇමරිකාවේ ටෙක්සාස් ප්‍රාන්තයේ සැන් ඇන්ටෝනියෝ නගරයට නුදුරින් අතහැර දමා ගිය ට්‍රක් රථයක තිබී පුද්ගලයන් 46 දෙනෙකුගේ මළසිරුරු හමුවී තිබේ.එහි ගිනි නිවන නිලධාරියෙකු පැවසුවේ ළමුන් සිව් දෙනෙකු ඇතුළු 16 දෙනෙකු ද රෝහල් ගත කර ඇති බවයි. දිවි ගලවා ගත් අය දැඩිව උණුසුම් බවත්,ඔවුන් මේ වන විට තාප ආඝාතයෙන් සහ තාප විඩාවකින් පීඩා විඳින බවත් විදෙස් මාධ්‍ය වාර්තා කරයි.

එක්සත් ජනපද-මෙක්සිකානු දේශසීමාවේ සිට කිලෝමීටර් 250ක් (සැතපුම් 150ක්) දුරින් පිහිටි සැන් ඇන්ටෝනියෝ නගරය, මිනිස්-ජාවාරම්කරුවන් සඳහා ප්‍රධාන සංක්‍රමණ මාර්ගයකි. මිනිස් ජාවාරම්කරුවන් බොහෝ විට මෙම සංක්‍රමණිකයන් එක්සත් ජනපදයට ලඟා කිරීමට සමත් වූ පසු දුර බැහැර ප්‍රදේශවල සිට දේශ සිමා හරහා ප්‍රවාහනය කිරීමට ට්‍රක් රථ භාවිතා කරයි.

රියදුරු විසින් අතහැර දමා ගොස් ඇති මෙම වාහනයේ ක්‍රියාකාරී වායු සමීකරණයක් නොතිබූ බවත් එහි ඇතුළත පානීය ජලය නොතිබූ බවත් විමර්ශන නිලධාරියෙකු විදෙස් මාධ්‍ය වෙත දන්වා තිබේ. ගිම්හාන මාසවලදී සැන් ඇන්ටෝනියෝ දේශගුණය උණුසුම් වන අතර, සඳුදා වන විට එහි උෂ්ණත්වය සෙල්සියස් අංශක 39.4 (F) දක්වා ඉහළ ගොස් ඇති අතර, විපතට පත් වූවන් අධික තාපය, විඩාව සහ විජලනය හේතුවෙන් මිය ගිය බවට සැක කෙරේ.

මෙක්සිකෝවේ විදේශ අමාත්‍ය මාර්සෙලෝ එබ්‍රාඩ් පැවසුවේ රෝහල් ගත කළ අය අතර ගෝතමාලා ජාතිකයන් දෙදෙනෙකු ද සිටින බවයි. අනෙක් අයගේ ජාතිකත්වය මෙතෙක් පැහැදිලි නැතැයි පවසා ඇත. මෙම සිදුවීම සම්බන්ධයෙන් පුද්ගලයන් තිදෙනෙකු අත්අඩංගුවේ පසුවන අතර විමර්ශනය ෆෙඩරල් නියෝජිතයින්ට භාර දී ඇත.

Continue Reading

Uncategorized

ඇමරිකානු ශ්‍රේෂ්ඨාධිකරණය ගබ්සාවට ඇති ව්‍යවස්ථාපිත අයිතිය අහෝසි කරයි!

Roe vs Wade නඩුව 1970 දී ආරම්භ විය. මෙම නඩුව නීත්‍යානුකූල අන්වර්ථය යටතේ “Jane Roe” යටතේ Norma McCorvey විසින් ගොනු කරන ලදී. Roe සහ McCorvey 1969 දී ඇගේ තුන්වන දරුවා බලාපොරොත්තුවෙන් සිටි අතර ගබ්සාවක් කිරීමට අවශ්‍ය විය. කෙසේ වෙතත් ඔවුන් පදිංචි වී සිටි ටෙක්ස්සාස් හි මවගේ ජීවිතය ආරක්‍ෂා කිරීමට අත්‍යවශ්‍ය දෙයක් නම් මිස ගබ්සාවක් සිදු කිරීම නීතියට පටහැනි විය.

ඒ අනුව ටෙක්සාස් හි ගබ්සා නීති ව්‍යවස්ථා විරෝධී බව පවසමින් ඇයගේ ප්‍රජාවේ දිස්ත්‍රික් නීතීඥ Henry Wade ඇය ට එරෙහිව එක්සත් ජනපදයේ ෆෙඩරල් උසාවියක ඇය වෙනුවෙන් නඩුවක් ගොනු කළේය.

ඒ අනුව 2022 ජූනි 24 දින, මහාධිකරණය විසින් ගබ්සා කිරීම් සඳහා වන තහනම  ව්‍යවස්ථාපිත බව තීන්දු කරන ලද අතර, විනිසුරු සැමුවෙල් ඇලිටෝ විසින් බහුතර මතය ලිවීමත් සමඟ ක්ලැරන්ස් තෝමස්, නීල් ගොර්සුච්, බ්‍රෙට් කැවනෝ සහ ඇමී කෝනි බැරට් යන විනිසුරුවරුන් මෙයට එකඟ වී ඇත.

ශ්‍රේෂ්ඨාධිකරණය 1973 ජනවාරි 22 දින 7-2 තීන්දුවක් මගින් කියා සිටියේ එක්සත් ජනපද ආණ්ඩුක්‍රම ව්‍යවස්ථාවේ දහහතරවන සංශෝධනයේ නියමිත ක්‍රියාදාම වගන්තිය අනුව ගර්භනී කාන්තාවකට ගබ්සා කිරීමේ අයිතිය සහතික කරයි. කෙසේ වෙතත්, ගබ්සාවකට ඇති අයිතිය නිරපේක්ෂ නොවන බවත්, කාන්තාවන්ගේ සෞඛ්‍යය සහ නූපන් දරුවන් ආරක්ෂා කිරීම සඳහා රජයට ඇති අවශ්‍යතාවලට එරෙහිව එය පිරික්සා බැලිය යුතු බවත් අධිකරණය තීන්දු කළේය. නමුත් වසර 50කට පමණ පසු එක්සත් ජනපද ශ්‍රේෂ්ඨාධිකරනය Roe v Wade  නඩුව සම්බන්දයෙන් ලබා දුන් සුවිශේෂී නඩු තීන්දුවෙන් ස්ථාපිත වූ ගබ්සාව සඳහා වන ව්‍යවස්ථාපිත අයිතිය අහෝසි කර ඇත.

දැන්, නවතම විනිශ්චය එක්සත් ජනපදයේ ප්‍රාන්තවලින් අඩක් පමණ ගබ්සා කිරීම් දැඩි ලෙස සීමා කරන හෝ සම්පූර්ණයෙන්ම තහනම් කරන නව නීති රැල්ලක් අවුලුවාලීමට ඉඩ තිබේ. ප්‍රාන්ත 13 ක් ඊනියා “ප්‍රේරක නීති” සම්මත කර ඇති අතර, ශ්‍රේෂ්ඨාධිකරණයේ පියවරෙන් පසු ගබ්සාව සීමා කරනු ඇත.

කාන්තාවන්ට ගබ්සාව සඳහා අඩ සියවසකට ආසන්න කාලයක සිට ඇමරිකානු ව්‍යවස්ථාවෙන් ලබා දී තිබු අයිතිය ඒ අනුව උල්ලංඝනය වේ. මෙයට පෙර ඇමරිකාව තුළ ගබ්සාව අපරාධයක් ලෙස නොදුටු අතර කාන්තාවගේ ශරීරයේ පාලනයේ නිදහස හා අයිතිය ඇයට මෙ මඟින් ලබා දී තිබිණි. නමුත් එම නිදහස ඊයේ දිනයේ දුන් නඩු තීන්දුවට අනුව  ශ්‍රේෂ්ඨාධිකරණය විසින් කාන්තාවට ව්‍යස්ථාවෙන් ලබා දී තිබු අයිතිය අත්තනෝමතික ලෙස උල්ලංඝණය කර ඇත. 

ඊයේ ලබා දුන් මෙම  විනිශ්චය සමඟ එක්සත් ජනපදයේ ප්‍රාන්තවලින් අඩක් පමණ ගබ්සා කිරීම් දැඩි ලෙස සීමා කරන හෝ සම්පූර්ණයෙන්ම තහනම් කරන නව නීති රැල්ලක් ඇති කිරීමට  ඉඩ තිබේන බවට විදෙස් මාධ්‍ය වාර්තා කරයි. මේ වන විටත් ප්‍රාන්ත 13 ක් “ප්‍රේරක නීති” සම්මත කර ඇති අතර, ශ්‍රේෂ්ඨාධිකරණයේ පියවරෙන් පසු ගබ්සාව සීමා කරනු ඇති බවටත් එරට මාධ්‍ය ප්‍රකාශ කරයි.

මෙම නඩු තීන්දුව සමඟ ආරිකානු කාන්තා අයිතීන් සුරැකීමේ සංවිධාන සහ ලෝකයේ බොහෝ රටවල දේශපාලන නායකයින් පවා මෙයට විරෝදය දක්වා ප්‍රකාශ නිකුත් කර ඇත. එමෙන්ම මේ වන විට ඇමරිකාව පුරා විරෝධතා රැල්ලක් ආරම්භ වී ඇත.

Continue Reading

Facebook

Advertisement

Updates

උණුසුම් පුවත්2 months ago

ඩුබායි යන්න ගිය අරගලකරු ගුවන් යානයේදී අත්අඩංගුවට !

පසුගිය දා ශ්‍රී ලංකා රූපවාහිනී සංස්ථාවට බලහත්කාරයෙන් ඇතුළු වී සජීවී විකාශයකට එක්වූ ‘දනිස් අලි’ යන අය අත්අඩංගුවට ගෙන තිබේ. ගාලු...

උණුසුම් පුවත්2 months ago

රනිල්ට ඉන්දියාවෙන් විශේෂ ඇමතුමක්

පවතින දේශපාලන අස්ථාවරභාවය ඇති කිරීම කෙරෙහි චීන මැදිහත්වීම කෙසේහෝ නතර කර යුතු බවත් ඒ සඳහා RAW (ඉන්දීය බුද්ධි සේවය) වැඩබලන...

උණුසුම් පුවත්3 months ago

බැසිල් රටින් යාම නාට්‍යක් ! ඒ අතරේ ගෝඨා හොරෙන්ම ඩුබායි ගිහින්.

එයේ රාත්‍රියේ ඇමරිකාව බලා පිටව යාමට අද (12) අළුයම කටුනායක බණ්ඩාරනායක ජාත්‍යන්තර ගුවන් තොටුපලට පැමිණි බැසිල් රාජපක්ෂ මහතාට එහිදී දැඩි...

උණුසුම් පුවත්3 months ago

අරලියගහ මන්දිරයත් ජනතාව යටතට!

විරෝධතාකරුවන් මේ වන විට අග්‍රාමාත්‍යවරයාගේ නිල නිවස වන අරලියගහ මන්දිරියට ඇතුළු වී ඇතැයි වාර්තා වේ. වාර්තාකරුවන් පවසන ආකාරයට විශාල පිරිසක්...

උණුසුම් පුවත්3 months ago

ගෝඨාභය ඉල්ලා අස්වෙයි!

ජනාධිපති ගෝඨාභය රාජපක්ෂ මහතා සිය ඉල්ලා අස්වීමේ ලිපිය භාර දී ඇති බවට වාර්තා වේ.

උණුසුම් පුවත්3 months ago

කොළඹ රැය ගෙවන අන්තරේ!

අද දහවල් රොද බඳිමු – පන්නමු යන තේමාව යටතේ අන්තර් විශ්වවිද්‍යාලයීය ශිෂ්‍ය බල මණ්ඩලය විරෝධතා පා ගමනකින් කොළඹ වෙත පැමිණියා....

Off Road3 months ago

ජපානයේ දීර්ඝතම අගමැති ධුරය දැරූ උරුමක්කරු!

ජපානයේ දීර්ඝතම අගමැති ධුරය දැරූ ෂින්සෝ අබේ ඔහුගේ විශේෂ විදේශ ප්‍රතිපත්තිය “ඇබෙනොමික්ස්” ලෙස ජනප්‍රිය වූ අතර එය ආර්ථික උපාය මාර්ගයන්...

උණුසුම් පුවත්3 months ago

ඉන්ධන පිරවුම්හලක ගින්නක් !

මහියංගනය හසලක ඉන්ධන පිරවුම්හලේ ගින්නක් ඇති වී ඇති බවට වාර්තා වේ.මේ සමබන්ධව හසලක පොලිසිය පැවසුවේ සවස ඉන්ධන පිරවුම්හල් ගොඩනැගිල්ලක ගින්නක්...

උණුසුම් පුවත්3 months ago

ජනාධිපති ගෝඨාභය රාජපක්ෂ හෙට දිනයේ ඉවත් වෙයි!

සර්ව පාක්ෂික ආණ්ඩුවක් පිහිටුවීම සඳහා වූ සාකච්ඡාවලින් අනතුරුව මාධ්‍ය වෙත අදහස් පළ කරමින් පාර්ලිමේන්තු මන්ත්‍රී වාසුදේව නානායක්කාර මහතා සඳහන් කරන්නේ...

Off Road3 months ago

අරගලයට එජාප සහය!

එක්සත් ජාතික පක්ෂ නියෝජ්‍ය නායක රුවන් විජේවර්ධන මහතා විසින් ලිපියක් නිකුත් කරමින් දන්වා සිටින්නේ සාමකාමී අදහස් ප්‍රකාශ කිරීමට සහ නිදහස්...

Advertisement
Advertisement

Trending

Copyright © 2020 Lanka C News