Connect with us

Off Road

දෙරණෙ අයිතිකාරයා දිලිත්ගේ ආදර කතාව මෙන්න

සිහින හඹා යන්නකු නොවූ ඔහු ජීවිතයේ සාර්ථකත්වය හිමිකර ගත්තේ ජීවිතය හා ගැටෙමින් ඊට මුහුණ දෙමිනි. සිහින දකින්නකු නොවූවද සුවහසක් ජීවිතවල සිහින පාට කරන්නට ඔහු වාසනාවන්ත වූයේ ප්‍රකට ව්‍යවසායකයකු ලෙස සුවිශේෂී සලකුණු තබමිනි. මෙවර ‘කැදැල්ලේ කතාවේ’ කථානායකයා දිලිත් ජයවීර ය. මේ ඉඩහසර ඔහුගේ දිවි සැරියේ සොඳුරු මතක සැමරුම් වෙනුවෙනි.

“ලෝකයා විවිධාකාරයෙන් ඔබ හඳුන්වනවා? ඔබට හැඟෙන ලෙස ඔබ කෙබඳු අයෙක්ද?” 

මගේ පළමු පැනයට ඔහු මුව පුරා සැහැල්ලුවෙන් සිනාසුණේය. ප්‍රධාන පෙළේ ප්‍රකට සන්නාම නාම හිමි ව්‍යාපාර හතළිස් ගණනක හිමිකාරිත්වය දරන, වගකීම් බහුල අයකුට එතරම් සරලව සිනාසීමට හැකිවීම’ම අරුමයකි.

“කෙටියෙන්ම කියනවා නම් මම අටලෝ දහමෙන් නොසැලෙන සරල ශ්‍රී ලාංකිකයෙක්. හැම මොහොතකම සරලව සතුටින් ජීවත් වෙන කෙනෙක්. මට අවශ්‍ය සමාජයට යම් කිසි ආදර්ශයක් දෙන්න පුළුවන් චරිතයක් වෙන්නයි. මගේ ආදර්ශය සතුට සහ සරල බවයි. එය හරිම සරලයි. ඒ සතුටට, සැහැල්ලුවට හේතුව මම බුදු දහමේ එන අටලෝ දහම අවබෝධ කරගෙන ජීවත් වීමයි.

සිංහල බෞද්ධ සභ්‍යත්වයෙන් පොහොසත් රටක ජීවත් වන අපි කවුරුත් අටලෝ දහම අවබෝධ කරගෙන ජීවත් වනවා නම් ජීවිතේට අනවශ්‍ය ආතතියක් ඇතිවෙන්නෙ නැහැ. ව්‍යාපාරවල නැඟීම් වගේම වැටීම්වලදීත් අටලෝ දහමෙන් නොසැලෙන ‘තාදි’ ගුණයෙන් යුතුව සිටිය හැකි නම් ජීවිතය ඉතා පහසුයි.”

ඒ ඔහුගේ ජීවිතයේ තේමා පාඨයයි. සරසවි සිසුවකු ලෙස සිටියදී මිතුරු මිතුරියන් කිහිපදෙනකු සමඟ එක්ව ඔහු ආරම්භ කළ ට්‍රයඩ් ඇඩ්වර්ටයිසින් සමාගම දේශීය වෙළෙඳ ප්‍රචාරණ ක්ෂේ‍ත්‍ර‍ෙය් මුහුණුවර වෙනස් කළ ආයතනයකි. LMD සඟරාව 2011 වසරේදී දිලිත් ජයවීර ‘වසරේ ව්‍යාපාරික පුද්ගලයන්’ දස දෙනාගෙන් කෙනෙකු ලෙස නම් කළේය.

2020 දී නැවත ඔවුහු එම වසර තුළ මෙරට වඩාත්ම ගෞරවාදරයට ලක්වූ ව්‍යාපාරික ප්‍රමුඛයන් විසිපස් දෙනාගේ ලැයිස්තුවටද දිලිත් ජයවීර ඇතුළත් කළහ. මෙරට පැරණිතම වෙළෙඳ ආයතනයක් වන ජෝර්ජ් ස්ටුවර්ට් සහ සමාගමේ සභාපතිවරයා වන දිලිත් ජයවීර මෙරට විශාලතම මාධ්‍ය ජාලයක් වන දෙරණ මාධ්‍ය ජාලයේ සභාපතිවරයාද වේ.

” ව්‍යවසායකත්වය මට උපතින්ම ලැබුණු දෙයක් කියල මම හිතනවා. මේ ගමන තුළ අභියෝග, බාධක කියන දේවල් හමු නොවුණා නෙවෙයි. නමුත් අටලෝ දහම තුළ මම ඒ කිසිවක් අභියෝග ලෙස සැලකුවේ නැහැ. හැම වෙලාවෙම මම අභියෝගයක් ලෙස සැලකුවේ මාවමයි. ඒ නිසාම මේ ගමන මට ඉතා පහසු වුණා.”

ඒ ගමන පහසු කළ මූලික සාධක අතර මවුපියන්ගෙන් ලද ආභාසයත් අඟුළුගහ කන්ථාරාම විහාරස්ථානයේ සුචරිතෝදය දහම් පාසලින් ලැබුණු ආධ්‍යාත්මික පෝෂණයත් දිලිත් ජයවීර සිහිකරන්නේ ගෞරවයෙනි. හපනුන් රැසක් බිහි කළ දකුණු ලක ගාල්ලේ අඟුළුගහ නම් සුන්දර කුඩා ගම්මානයේ උපත ලැබූ ඔහුට පිරිමි සහෝදරයන් තිදෙනෙකි.

“අඟුළුගහ ලස්සන පුංචි ගමේ ඉඳලා අපි ඉගෙන ගන්න ටවුමේ ශාන්ත ඇලෝසියස් විද්‍යාලයට ආවා. පාසල් වියේ මුල සිට අවසානය දක්වාම මම දහම් පාසල් අධ්‍යාපනයත් ලැබුවා. ඒ කාලේ නායක ස්වාමින්වහන්සේ ලෙස හිටියේ ඉතාම ආදර්ශවත් හාමුදුරුනමක්. කුඩා වියේ සිටම දහම් සංකල්ප මම ජීවිතයට බද්ධ කරගත්තා. මගේ සමකාලීන මිතුරකු වූ ආනන්ද හිමි දැනට එම විහාරස්ථානයේ නායක ස්වාමින්වහන්සේ ලෙස කටයුතු කරනවා.

රජයේ සේවකයන් වූ මගේ මවුපියන් තුළ තිබූ ශික්ෂණය දරුවන් ලෙස නිතරම අපේ ජීවිතවලටත් ආදර්ශයක් වුණා. ඒ කාලේ රජයේ සේවකයෙක් කියන්නේ සමාජයේ ඉතා ගෞරවනීය තත්ත්වයක්. අයියටයි මටයි මල්ලිලා දෙන්නයි අපි හතරදෙනාටම මවුපියෝ එක් එක් ඉලක්ක දී තිබුණා. අයියා වෛද්‍යවරයෙක්, මම නීතිඥයෙක් සහ මල්ලිලා දෙන්නා ඉංජිනේරුවරයෙක් සහ ගණකාධිකාරීවරයෙක් වීමයි මවුපියන්ගෙ කැමැත්ත වුණේ. ව්‍යවසායකයෙක් වීමේ කැමැත්ත යටි හිතේ තියාගෙන මුලින්ම මවුපියන්ගෙ කැමත්ත ඉටු කරන අධිෂ්ඨානය මගෙ හිතේ තිබුණත් මම ඉගෙන ගත්තේ හරිම සැහැල්ලුවෙන්.”

උසස්පෙළ විභාගය අවසන් වූ වහාම රක්ෂණ අලෙවි නියෝජිතයකු බවට පත්වූ දිලිත් ජයවීර එයින් ලද සාර්ථකත්වය කෙතරම්ද කිවහොත් විශ්වවිද්‍යාලයට ඇතුළත් වීමට ආසන්න වන විට යතුරු පැදියක් පමණක් නොව කොට්ටාව ප්‍රදේශයෙන් ඉඩමක් මිලදී ගන්නටද සමත් විය. මවුපියන්ගේ නීතීඥ සිහිනය සැබෑ කිරීමට කොළඹ විශ්වවිද්‍යාලයේ නීති පීඨයට ඇතුළත් වන ඔහු සරසවි සිසුවකු ලෙස අර්ධකාලීන රැකියා කිහිපයකද නිරත විය.

කලක් ඔහු තර්ක ශාස්ත්‍රය අමතර පන්ති කළේය. අගනුවර ප්‍රකට ඖෂධ බෙදාහැරීමේ ආයතනයක අලෙවි සහායකයකු ලෙසද කටයුතු කළ අතර එම ක්ෂේත්‍රය පිළිබඳ ඇතිවූ උනන්දුව කෙළවර වන්නේ ඔහු ඒ පිළිබඳ න්‍යායික දැනුමද සපුරා ගැනීමෙන් අනතුරුවය.

“මම හිතන්නේ ඒ තුළින් ව්‍යාපාරික ලෝකයට ප්‍රවිෂ්ට වීමට මට විශාල දොරක් විවෘත වුණා. ඒ කාලේ රටේ තිබුණු තත්ත්වය නිසා එක දිගට කැම්පස් වහලා තිබුණේ. නමුත් ඒ කාලය විවිධ ව්‍යාපාර කරමින්, රැකියාවල නිරත වෙමින් ඵලදායීව ගතකළා. ට්‍රයඩ් ආයතනය පටන් ගත්තේ මම සරසවියේ දෙවැනි වසරේ ඉගෙන ගන්නකොට. කැම්පස් එකේදී ශිෂ්‍ය දේශපාලනයේ නිරත වූ මම වැඩිපුරම කළේ පෝස්ටර් අලවපු එකයි, ලීෆ්ලට් ලියපු එකයි ”

” එහෙත් එදා අපි සරසවිය තුළ කළ ශිෂ්‍ය දේශපාලනය තුළ ජාතික දේශපාලනට බලපෑම් කළ හැකි මතවාදී අරගලයක් තිබුණා. නමුත් බොහෝ විට අද ශිෂ්‍ය දේශපාලනය විවිධ න්‍යාය පත්‍ර තුළ සිරවෙලා. ඒ වගේම අද බොහෝ තරුණයන් තුළ තිබෙන්නෙ උපාධිය ගත්තහම ඒ දැනුමම භාවිත කරලා රැකියාවක් කළ යුතුයි කියන වැරදි ආකල්පය.

විශ්වවිද්‍යාල තිබෙන්නේ පාසලක වගේ කාලසටහනක් අනුව විෂයයන් ඉගෙන ගැනීමට නෙවෙයි. උපාධියක් තියෙන ගොඩක් අය හිතන්නේ කළමනාකාර තනතුරකින්ම රැකියාව ආරම්භ කළ යුතුයි කියලා. එය නිසරු, නිෂ්ඵල අදහසක්. උපාධියක් තිබෙන කෙනෙකුට එය නැති කෙනෙකුට වඩා හොඳින් ජීවිතේට මුහුණ දෙන්න ශික්ෂණයක් ලැබෙනවා. විශ්වවිද්‍යාල පරිසරය, දේශපාලනය, අභියෝග, පෙම් කතා ආදී සියල්ල ඒ ජීවිතයේ කොටස්. උදාරහණයක් විදිහට මාත් ඇතුළුව බිම් මට්ටමින් ව්‍යාපාර පටන්ගෙන මේ වෙද්දි ඉහළ මට්ටමේ සිටින ව්‍යාපාරිකයන් බොහෝ දෙනෙක් උපාධිධාරීන්. ”

සාර්ථක ව්‍යවසායකයකු වීමට කැමති අයකුට අත්දැකීම් මෙන්ම න්‍යායික දැනුමද වැදගත් බව ප්‍රකට ව්‍යවසායක දිලිත් ජයවීරගේ විශ්වාසයයි.

‘‘ ව්‍යවසායකයකු වීමේ ආශාව උපතින්ම ලැබිය යුත්තක්. ඒ ආශාව වගේම ව්‍යාපාර ලෝකය පිළිබඳ න්‍යායික දැනුමකුත් තිබිය යුතුයි. තියරිය නොදැන පරිසරය අවබෝධ කරගන්න බැහැ වගේම තියරියටම කොටු වුණොත් නිර්මාණශීලීව හිතන්න බැරි වෙනවා. ඒ නිසා තියරිය දැනගෙන තමන්ගේ ක්‍රමයකට නිර්මාණශීලීව කටයුතු කළොත් සාර්ථක වෙන්න පුළුවන් ”

තමන්ගේ ක්‍රමයකට නිර්මාණශීලීව ජීවිත රාමුව සකස් කරගත් දිලිත් ජයවීර යෞවනයාගේ ජීවිතයට ප්‍රේමය හමු වන්නේද අහඹු ලෙසටය.

” ඇය නෙළුම්. මුලින්ම මට නෙළුම් හමුණේ කැම්පස් එකට එන්නත් කලින් මගේ යාළුවෙක් සූදානම් කළ විනෝද චාරිකාවකදි. ඉතා ආකර්ෂණීය සුන්දර යුවතියක් වූ ඇය දුටු පමණින්ම පිළිබඳ සිතක් පහළ වුණත් මම ඒ බව කිව්වෙ නැහැ. නැවත අපි කැම්පස් එකේදි හමුවුණා. ඒ දවස්වල හමුවුණාට, කතාබහ කළාට යාළුකමින් එහාට ගිය ප්‍රේම කතාවක් තිබුණේ නැහැ.”

ඔහු ඒ මතක මැදුරේ දොරටු විවර කරන්නේ නිසංසලේය. එහෙත් එකල සරසවියේ ශිෂ්‍ය දේශපාලනය තුළ කැපී පෙනෙන චරිතයක් වූ දිලිත් ජයවීර ට නිසංසලේ ප්‍රේමය විඳින්නට ඉඩක් නොතිබුණා සේය.

” ඒ කාලේ කැම්පස් එකේ කතාවක් තිබුණා ප්‍රේම කරන්න ගිහින් ඇනගන්නවා කියලා. මම ඒ වෙද්දි දේශපාලනික වශයෙන් කැම්පස් එකේ තරමක චරිතයක් වෙලා හිටපු හින්දා එහෙම ඇනගැනීමකට හිතේ පොඩි බයක් තිබුණා. බැරිවෙලාවත් ඇය මගේ යෝජනාවට අකමැති වුණොත් ඒකත් ප්‍රශ්නයක්. ඒ නිසා ප්‍රේම කරන්න ගිහින් මගෙ ප්‍රතිරූපෙට හානි කරගන්න කැමති වුණේ නැහැ. ඒ වගේම ඒ කාලේ මම හරිම කාර්යබහුල චරිතයක්. ශිෂ්‍ය දේශපාලන කටයුතු වගේම මිනිස්සුන්ට උදවු කිරීමත් බොහොම කැමැත්තෙන් කළේ.

කැම්පස් එකෙන් අවුට් වෙලා අවුරුදු දෙකකට විතර පසුව මට ආයෙමත් ඇය හමුවුණේ මුලින්ම අපි දෙන්නා හමුවූ විනෝද චාරිකාව සංවිධානය කළ මිතුරාගේ පියාගේ අවමඟුලේදි. ඒක හරි අහඹු සිදුවීමක්. ආගිය විස්තර කතාකළාට පස්සේ මට හිතුණා තවත් ප්‍රමාද වෙන්න හොඳ නෑ කියලා. එදා රෑම මම නෙළුම්ට ආදරේ ප්‍රකාශ කළා. පහුවදා උදේ වෙද්දි අපි ප්‍රේම කතාව පටන් ගත්තා. ”

ඔහු කියන්නේ සොම්නසිනි. එදා එලෙස ඇරඹි පෙම් කතාව තවත් අරුත් ගැන්වෙන්නේ ඇය ඔහුගේ ජීවන සහකාරිය බවට පත්වීමෙනි.

” අපි විවාහ වෙද්දි මට තිබුණේ එක ව්‍යාපාරයක් විතරයි. ව්‍යාපාර හතළිස් ගාණක් ගොඩනඟන්න, ඒවායේ වැඩ කරන්න මට හැකිවීම තුළම නෙළුම්ගේ ආදරය, සහයෝගය සහ විශ්වාසය කැපී පෙනෙනවා. ඇය ව්‍යාපාර කටයුතු සඳහා මැදිහත් වන්නේ නැහැ. නිවසේ රැඳුණත් ඇය සමාජය ගැන පුළුල් අවබෝධයක් සහිත වීම මගේ කටයුතුවලට විශාල පහසුවක්. මම ඇයගේ කැමතිම ගතිගුණ ඇය ඉතා සරල, තෘප්තිමත් ගැහැනියක් වීමයි. අදටත් අපි හොඳම යාළුවෝ. අපි දෙන්නගේ ගතිගුණ සිතිවිලිවල සමාන බවක් තිබීමත් මේ ගමනට පහසුවක්. ඒ නිසාම මගේ සාර්ථකත්වයේ ‍සෙවණැල්ල ඇය කිව්වොත් නිවැරදියි”

ඒ බැඳීම තුළින් ජීවිතයට ලැබෙන සැනසීමට ඔහු බිරියට කෘතඥ වූයේ එලෙසිනි. සතුටින්, සැහැල්ලුවෙන් ජීවිතය ගෙවන මේ ප්‍රකට ව්‍යවසායකයා හතළිස් ගණනක් වන සිය ව්‍යපාර සමූහයේ සේවය කරන හය දහසකට අධික මානව සම්පත ගැන කතා කරන්නේද නිහතමානී ආඩම්බරයකිනි.

” මගේ සාර්ථකත්වයේ ගෞරවය ඔවුන් සියලු දෙනාටම අයිතියි. එවැනි විශාල පිරිසකට ජීවිතයට ශක්තියක් වීමට හැකිවීම විශාල ආත්ම තෘප්තියක්. තවත් කෙනෙක් සතුටින් තියන්න විශාල දේවල් කරන්න අවශ්‍ය නැහැ. මේ ගතවෙන මොහොත නැවත කවදාවත් එළැඹෙන්නෙ නැහැ.

ඒ නිසා ඒ මොහොත හැකි තරම් සතුටින් ඵලදායීව ගතකළ යුතුයි. මට තියෙන එකම ආතතිය මිනිස්සු එය තේරුම් නොගෙන කටයුතු කිරීමයි.”

වත්මන් සමාජය තුළ බොහෝ දෙනකු කල්ගෙවන්නේ ආතතියෙනි. ඔහු වැනි වගකීම් බහුල ව්‍යවසායකයකු ඊට මුහුණ දෙන්නේ කෙසේද?  මගේ පැනයට ඔහුගේ මුවඟ ඇඳුණේ සැහැල්ලු සිනහවකි. 

” මම මිනිසුන්ගේ මිනිසෙක්. ආතතිය නැතිකරගන්න හුදෙකලාව ඉන්න, සතුන් බලන්න කැලෑවලට යන්න මම කැමති නැහැ. ආතතියෙන් නිදහස් වෙන්න කලින් හිතන්න ඕන ඇයි අපි ආතතියට පත්වෙන්නෙ කියලා. තමන් වටා ඉන්න මිනිස්සු සතුටින් ඉන්නවා නම් තමන්ටත් සතුටින් ඉන්න පුළුවන්. මේක හැම සමාජ සම්බන්ධයකටම අදාළයි.

අවාසනාවකට ගොඩක් අය තමන් ළඟම ඉන්න මිනිස්සු අසතුටින් තියලා සතුට හොයන්න දිග නිවාඩුවක් අරගෙන ඈත කැලෑවකට යනවා. මම විශ්‍රාම යන්න, නිවාඩු ගන්න කැමැති නැහැ. මගෙ සතුට තියෙන්නෙ වැඩ කරමින් සතුටින් ජීවත් වීම තුළයි. මම සතුටු වෙන්නෙ පවුලෙ අය එක්ක, මිතුරන් එක්ක ඇවිදින්න යාමෙන්, එහෙමත් නැත්තම් මගේම තැනක ඔවුන් එක්ක විනෝද වීමෙන්. මට අවශ්‍ය හැම මොහොතකම මිනිස්සු අතර සතුටින් ඉන්නයි.

සමහරු දන්නේ නැහැ ඇයි තමන් ධනවත් විය යුත්තේ කියලා. රැස් කරන දේවල් පාවිච්චි නොකර ආතතියෙන් ඉඳලා අඩු වයසෙන් මිය යනවාට වඩා තමන් උපයා ගත් දෙයින් සෑහීමකට පත්වෙලා සතුටින් ජීවිතය ගතකිරීමයි වැදගත්. සිංහල, බෞද්ධ සභ්‍යත්වයෙන් පොහොසත් රටක ජීවත් වෙන අප ඒ සත්‍යය වටහාගත යුතුයි.”

දේශපාලනය පිළිබඳ ඔහුගේ නැඹුරුව ගැනද නොවිමසුවහොත් එය මේ කතාවට අඩුපාඩුවකි.

” මිනිසුන්ට නිර්දේශපාලනිකව ජීවත් වෙන්න බැහැ. තමන් කැමති කිසියම් දේශපාලන දර්ශනයක් වෙනුවෙන් කුඩා හෝ කැපකිරීමක් කරන්න හැම කෙනෙකුටම සිදුවෙනවා. ඒ නිසා ඒ ප්‍රමාණයට මමත් දේශපාලනිකයි..මම කැමති හැම මිනි­​සකුටම සතුටේ අගය වැටහෙන රටක් දකින්නයි..

සතුටින් ජීවිතය විඳින ඔහුට තවත් සැබෑ කරගත යුතු සිහින තිබෙනවාද? ඔහු ඊට පිළිතුරු දුන්නේ බොහෝ සැහැල්ලුවෙනි.

“මෙය සිහින පසුපස ආව ගමනක් නොවෙයි. සිහින හරි වෙහෙසකාරියි. සිහින නොදැක තමන්ගෙ දහදිය මහන්සියෙන් වැඩ කළාම දියුණුව කරා ළඟාවෙනවා වගේම තමා ගැන ලොකු විශ්වාසයක් ඇති වෙනවා. මට මම ගැන ලොකු විශ්වාසයක් තිබෙනවා. මම කැමති හැම මිනිසකුටම සතුටේ අගය වැටහෙන රටක් දකින්නයි…”

http://139.59.244.67/archives/6034?fbclid=IwAR1rjegTeEp92-2q00CL5FfINlL-XhYmfD9p_YvMzuYMK1ORhP-jTao2myk
http://139.59.244.67/archives/5991
http://139.59.244.67/archives/6014
Click to comment

Off Road

ජපානයේ දීර්ඝතම අගමැති ධුරය දැරූ උරුමක්කරු!

ජපානයේ දීර්ඝතම අගමැති ධුරය දැරූ ෂින්සෝ අබේ ඔහුගේ විශේෂ විදේශ ප්‍රතිපත්තිය “ඇබෙනොමික්ස්” ලෙස ජනප්‍රිය වූ අතර එය ආර්ථික උපාය මාර්ගයන් සඳහා ප්‍රසිද්ධ විය. ඉතා ජනප්‍රිය, සහ ඉතා මතභේදයට තුඩු දුන් දේශපාලනඥයෙකු වන 67 හැවිරිදි අබේ ජපාන ලිබරල් ප්‍රජාතන්ත්‍රවාදී පක්ෂය දෙවරක් ජයග්‍රහණය කරා ගෙන ගියේය.

ජපානයේ දීර්ඝතම අගමැති ධුරය දැරූ අබේ, සෞඛ්‍ය හේතූන් මත ඉල්ලා අස්වීමට පෙර වසරක් 2006 වසරේ සහ පසුව 2012 සිට 2020 දක්වා සේවය කළේය.

නිලයේ සිටියදී, ඔහු ආරක්ෂක සහ විදේශ ප්‍රතිපත්ති පිළිබඳ වඩාත් ස්ථීර ප්‍රතිපත්ති ඉදිරිපත් කළ අතර ජපානයේ සාමවාදී පශ්චාත් යුද ව්‍යවස්ථාව සංශෝධනය කිරීමට දිගු කාලයක් උත්සාහ කළේය.

මුදල් ලිහිල් කිරීම, මූල්‍ය උත්තේජක සහ ව්‍යුහාත්මක ප්‍රතිසංස්කරණ මත ගොඩනැගුණු “Abenomics” නමින් හැඳින්වෙන ආර්ථික ප්‍රතිපත්තියක් ද ඔහු නිර්මාණය කළේය.

ටෝකියෝ අගනුවර සිට සැතපුම් 300 පමණ දුරින් – අබේ පාර්ලිමේන්තු මැතිවරණයක් සඳහා නාරා නගරයේ ප්‍රචාරක කටයුතුවල නිරත වෙමින් සිටියදී අද වෙඩි ප්‍රහාරයට ලක්විය.

දේශනය අතරතුර වෙඩි හඬක් නැඟුණු අතර අබේගේ බෙල්ලට දෙවරක් වෙඩි වැදී ඇත. ඔහු වහා ඇද වැටී ළඟම ඇති රෝහලට ගෙන යන ලදී. එම ස්ථානයේ සිටි ආරක්ෂක නිලධාරින් තුවක්කුකරු අල්ලා ගත් අතර ඔහු දැන් අත්අඩංගුවේ පසුවේ. කෙසේනමුත් පැය හතරක ප්‍රතිකාර වලින් පසුව, ජපාන හිටපු අගමැති අබේ මියගිය බව ප්‍රකාශ විය.

සාක්ෂිකරුවන් විසින් විස්තර කරන ලද ආකාරයට විශාල තුවක්කුවක් රැගෙන ගිය පුද්ගලයෙකු හිටපු අගමැතිවරයාට පිටුපසින් දෙවරක් වෙඩි තබා ඇත.

වෙඩි තැබීම සමඟ එම අවස්ථාවේ ඡායාරූපවලින් පෙනී යන්නේ වෙඩිකරු අගමැති අබේට පිටුපසින් සිටන ආකාරයයි.

Continue Reading

Off Road

අරගලයට එජාප සහය!

එක්සත් ජාතික පක්ෂ නියෝජ්‍ය නායක රුවන් විජේවර්ධන මහතා විසින් ලිපියක් නිකුත් කරමින් දන්වා සිටින්නේ සාමකාමී අදහස් ප්‍රකාශ කිරීමට සහ නිදහස් ප්‍රකාශනයට අරගලකරුවන්ට ඇති අයිතියට ගරු කරන බවත්
සාමකාමීව ප්‍රචන්ඩත්වයෙන් තොරව අරගලයන්හි නිරත වන ලෙස අරගලකරුවන්ගෙන් ඉල්ලා සිටින බවත් ය.

Continue Reading

Off Road

ගෝඨාභයගේ පාලනය තියෙන තාක්කල් අපට මොනම විදේශ සහයක්වත් ලැබෙන්නේ නැහැ – පාටලී චම්පික

රට පත්ව ඇති අර්බුදයෙන් ගොඩ ගැනීම සඳහා වැඩපිළිවෙලකට සියලු දෙනා එක්විය යුතු බව අද පැවති මාධ්‍ය හමුවකදී 43 සේනාංකය නායක පාඨලී චම්පික රණවක මහතා පවසයි.

  1. පුළුල් සන්ධානයකටඑක වේදිකාවකට එළඹෙමින් දැනට ඉදිරිපත් කර තිබෙන22 වෙනි ආණ්ඩුක්‍රම ව්‍යවස්ථා සංශෝධනය, ප්‍රශස්ත මට්ටමෙන්හැකි ඉක්මනින් සම්මත කරගත යුතුය.

“ඒක අපි බලාපොරොත්තු වුණු 19 වෙනි සංශෝධනය නෙවෙයි. ඊට වඩා දියාරු කරපු, ගෝඨාභය රාජපක්ෂට යම් යම් බලතල ලබා දීපු, සංශෝධනයක්. ඒ නිසා එයට වැදගත් වෙනස්කම් ඉටුකරලා පාර්ලිමේන්තුව තුල ඒ අදාළ නීති කටයුතු අවසන් වූ පසු අධිකරණයේ ප්‍රශස්ත මට්ටමෙන් 22 වෙනි ආණ්ඩුක්‍රම ව්‍යවස්ථාව සම්මත කරලා පාර්ලිමේන්තුවයි ජනාධිපති ධූරයයි අතර තියෙන මේ බලතුලනය ශක්තිමත් කරලා ස්වාධීන අධිකරණයක්, ස්වාධීන පොලීසියක්, ඒ වගේම ස්වාධීන මැතිවරණ කොමිසමක්, ස්වාධීන රාජ්‍ය සේවයක්, ස්වාධීන ප්‍රසම්පාදන, ස්වාධීන විගණන කොමිසමක් ස්ථාපිත කරලා මේ රට ඉදිරියට ගෙන යාමට අවශ්‍ය වැඩපිළිවෙල හැකි ඉක්මනින් ගන්න. පක්ෂ, පාට, භේදයෙන් තොරව බැසිල් රාජපක්ෂගේ යටින් කරන කකුලෙන් ඇදිලි පරාජය කරලා ඉදිරියට යන්න.

  1. පාර්ලිමේන්තුව තුළ සිටින පක්ෂ, ස්වාධීන කණ්ඩායම් වල නායකයන් එක්ව අවබෝධතා ගිවිසුම් සකස් කරගෙන තිබෙන ප්‍රතිපත්ති පිළිබඳ තීරණ ගැනීමේ සභාවක් පිහිටුවිය යුතුය.

“විශේෂයෙන්ම පාර්ලිමේන්තු මන්ත්‍රීවරුන් 224 දෙනාම අදාළ අමාත්‍යාංශවලට අනුයුක්ත කොට, ඒ අමාත්‍යාංශවල පාලනය පාලනය පිළිබඳ වගකීම ලබාදී, අමාත්‍යවරයා  ඒ අමාත්‍ය  සංසදයේ සභාපතිවරයෙක් බවට පත් කරන්න ඕනේ. පාර්ලිමේන්තුවේ මේ 224 දෙනාටම වගකීම දීලා විවෘත විනිවිදන ස්වභාවයෙන් ඒ කටයුත්ත ඉදිරියට ගෙනියන්න ඕනේ.”

“ගෝඨාභය රාජපක්ෂ පාලනය තියෙන තාක්කල් අපට මොනම ආකාරයේවත් විදේශ සහයක් ලැබෙන්නේ නැහැ. අඩු ම තරමින් ශ්‍රී ලංකාවෙන් පිටත ජීවත් වෙන තිස් ලක්ෂයක් වෙච්ච විදේශගත ශ්‍රී ලාංකිකයන්ගේ සහයවත් මොහුට ලැබෙන්නේ නැහැ. ඒ සහයවත් අපට හරියට ලැබුණා නම් අපට ලොකු විදේශ සහයකින් තොරව මේ අර්බුදය පියමං කර ගන්න තිබුණා.”

  1. වැදගත් ආයතන වලට කාටත් පිළිගත හැකි වෘත්තීය මට්ටමේ නායකත්වයන් පත් කළ යුතුය. අන්තර් කාලීන පොදු වැඩපිළිවෙලක් සකස් කර ගත යුතුය.

“තෙල් සංස්ථාවට, ඛනිජ තෙල් පර්යන්තයට, ලංකා විදුලිබල මණ්ඩලයට දේශපාලන පත්වීමක් තියෙන්නේ. වෘත්තීය මට්ටමේ පිරිස් මෙතනට පත් කරන්න ඕනේ. මුල්‍ය ක්ෂේත්‍රය දේශපාලන පත්වීම් ඉවත් කළ යුතුයි. ඒ වෙනුවට පිළිගත හැකි වෘත්තීය මට්ටමේ පිරිස් ඒවට පත් කරන්න ඕන. රටේ අනෙකුත් ප්‍රධාන සැපයුම් ක්ෂේත්‍ර වන  ප්‍රවාහන, ජල සම්පාදන ක්ෂේත්‍ර වැනි දෑට ඒ ඒ ආයතනවල ඉන්න වෘත්තීය මට්ටමේ පිරිස් වලට ඉඩ දීලා ඒක ඉදිරියට ගෙන යාමේ වගකීම ඔවුන්ට ලබා දෙන්න ඕනේ ස්වාධීනව. එහෙම නොවුණොත් කිසිම විශ්වාසයක් මේ පාර මහමගට වැටිලා විදේශිකයෝ තුළවත්, විදේශවල ජීවත්වෙන ශ්‍රී ලාංකිකයෝ තුළවත් ඇති වෙන්නේ නැහැ.”

“2015 මහ මැතිවරණයට පෙර දින 100 වැඩපිළිවෙල කියලා එකක් තිබුණා. අපි විශේෂයෙන්ම අවධාරණය කරනවා මාස හයකට හෝ මහනායක හිමිවරුන් යෝජනා කරලා තියෙන විදිහට මාස 18 කට හෝ කවර හෝ කලකට පොදු අන්තර් කාලීන වැඩපිළිවෙලකට. අපි සූදානම් ඒ අවම වැඩපිළිවෙල තනන්න. මේ රටේ වෘත්තීයවේදීන්ගෙන්, වැඩකරන ජනතාවගෙන්, ව්‍යාපාරික ප්‍රජාවගෙන් ඒ හැම කෙනාගේම එකඟත්වය, සාමූහිකත්වය, ඒ අවම වැඩපිළිවෙලට ලබාගත යුතුයි. සති දෙකක් වැනි කෙටි කලක් තුළ, ඒ කටයුත්ත සිදුකරගත යුතුයි. පාර්ලිමේන්තුවේත් මැදිහත්වීම ඇතුළේ.”

  1. ගෝඨාභය රාජපක්ෂ මහතා ධුරයෙන් ඉවත් වී 24 පැයක් තුළ පාර්ලිමේන්තුව මගින් රටට නව ජනපතිවරයෙක් පත් කරදීමට අවස්ථාව උදා කර දිය යුතුය.

“මේ කරුණු හතර අනිවාර්යයෙන්ම අපි ඉෂ්ට කරගත්තේ නැත්නම්, මේ මහ මගට බැහැලා ඉන්න අපේ ජනතාවට සහනය ලැබෙන්නේ නැහැ. රට තවත් දේශපාලන පිපිරීම්, සමාජ පිපිරීම් ඉදිරියේ මේ රට ඇතැම් විට ලේ ගංගාවක් වීමට ඉඩකඩ තිබෙනවා. ඒ යෝජනාව අපි සියලුම පක්ෂ වලට යෝජනා කරනවා. ඒ වගේම පාර්ලිමේන්තුව නියෝජනය කරන සියලුම දේශපාලන පක්ෂ වලට මේ ආරාධනය මේ ඊළඟ සතිය ඇතුලත සිදු කරන්න අපි බලාපොරොත්තු වෙනවා.” යනුවෙන් 43 සේනාංකය ප්‍රධානියා වැඩිදුරටත් අවධාරණය කළේය.

මෙහිදී රාජපක්ෂ පවුලට විශේෂ මතක් කිරීමක් කිරීමට ද රණවක මහතා කටයුතු කළේ මෙලෙසිනි.

“බොහොම කරුණාවෙන් සහ මේ රටේ ජනතාවගේ පැත්තෙන් කිව්වොත්, ඉතාම ආවේගයෙන් ප්‍රකාශ කරන්න තියෙන්නේ ඔය නාමල් රාජපක්ෂ මහත්තයලට කරුණාකරලා ලංකාවේ දේශපාලනයෙන් ඉවත් වෙන්න. කරුණාකරලා ඔබලා විසින් මේ රටෙන් මංකොල්ල කන ලද ධනය, මේ රටේ ජනතාවට ලබා දෙන්න. ඔබලා සම්බන්ධයෙන් මේ රටේ ජනතාව තුල තියෙන්නේ අතිශය පිළිකුල් සහගත තත්වයක්.  ඊළඟ මැතිවරණයෙන් ඔය පොහොට්ටුවේ කයි කාරයින්ට තේරෙයි මොකක්ද තත්වේ කියලා. මතක තියාගන්න මැයි 9 වෙනිදා මේ රටේ ජනතාව පාඩමක් ඉගැන්නුවා බේරේ වැව වටේදි. ඒ පාඩමවත් සිහියේ තබාගෙන දේශපාලනයෙන් කරුණාකරලා මේවට මැදිහත් නොවී ඉවත් වෙලා ඉන්න. ඔබලා මේවට ඇඟිලි ගහන වාරයක් පාසා වෙන්නේ මොකක්ද? රටේ ජනතාවගේ ප්‍රකෝපය තව ඉහළ නංවන එක විතරයි. විශේෂයෙන්ම මේ රට කරන ගෑස් ගණුදෙනු, තෙල් ගණුදෙනු, ගල් අඟුරුවලින් වහාම රාජපක්ෂ පවුල ඉවත් විය යුතුයි. ඒ ඩීල් වලින් ඔවුන් ඉවත් විය යුතුයි. ඔවුන් තමයි මේ අවුල කරන්නේ. මැද්දට පැනලා. ඒ නිසා ඒ ඒ සම්බන්ධයෙන් අපි බොහොම පැහැදිලිව කියනවා වහාම දේශපාලනයෙන් ඉවත් වෙලා පැත්තකට වෙලා ඉන්න. මම දන්නේ නැහැ වාසුදේව නානායක්කාර මහත්තයාට මොනවා කියලා තියෙනවද කියලා. වහාම පැත්තකට වෙලා ඉන්න. ඒක තමයි මේ මොහොතේ ඔබේ පවුලටත්, මේ රටටත් කරන්න පුළුවන් ලොකුම උපකාරය.”

මෙහිදී මාධ්‍යවේදීන් නැගු ප්‍රශ්නවලට පිළිතුරු දුන් රණවක මහතා;

  1. ඔබතුමන්ලා මේ සර්වපාක්ෂික රජයක් පිහිටුවන්න ගෙන එන යෝජනා කොච්චර යෝජනා ගෙනාවත් වැඩි බලය තියෙන්නේ පොහොට්ටුවට ?

පොහොට්ටුවට බලයක් නැති බව පෙනෙයි. පොහොට්ටුවේ ඉන්න විශාල පිරිසක් ස්වාධීන වෙලා තියෙන්නේ. අපි ආරාධනා කරනවා ඒ පොහොට්ටුවේ ඉන්න සියලුම ප්‍රගතිශීලි බලවේග වලට මේ රාජපක්ෂ ශාපයෙන් කරුණාකරලා දැන්වත් ගැලවෙන්න. 3% යි අද රාජපක්ෂලාට රටේ තියෙන්නේ. ඒ නිසා පොහොට්ටුවේ ඉන්න ජනපදනමක් තියෙන, දූෂණයට යට නොවුණු පිරිස් වලට මේ අවස්ථාව රට වෙනුවෙන් ඉදිරිපත් වෙන්න. නැත්නම් ඒ පොහොට්ටුවේ ඉන්න වැදගත් මිනිස්සු ටිකටත් රාජපක්ෂලා එක්කම දේශපාලනමය වශයෙන් අවසන් ගමන් යන්න පුළුවන්.

  1. මාධ්‍යවේදීන් හැටියට අපිත් සෑහෙන අසරණ භාවයට පත්වෙලා තියෙනවා මේ අත්‍යවශ්‍ය සේවාවන් අපි අත්‍යවශ්‍ය දේකටවත් නැතුව ගෙවල් ඇතුලේ සීමා කරලා තියෙනවා. මොකද හිතෙන්නේ ?

මාධ්‍ය ආයතන බොහොමයක් මාධ්‍යවේදීනුත් මේවා වාර්තාකරණයෙන් වළක්වා ගැනීමට විය යුතුයි අනිවාර්යෙන්ම මේ ඉන්ධන ගැටලුවට ඔවුන්ව හිර කරලා තියෙන්නේ. මාධ්‍ය ආයතන වලටත් අද ප්‍රශ්ණයක් තියෙනවා. මුද්‍රිත මාධ්‍ය  ආයතන වලට කොළ නෑ. ඒ  ආයතන වලට ඉස්සර තමන්ගේ පත්තර ටික රට වටේ ගෙනියන්න තමන්ගේම වූ ප්‍රවාහන මාධ්‍යයක්  තිබුණා. දැන් ඒ ලොරි රථ ටික ක්‍රියාත්මක කරන්න විදිහක් නෑ. ඩීසල් නෑ. අර සීඝ්‍රගාමී බස් රථත් දැන් සෑහෙන්න ප්‍රමාණයක් අඩු වෙලා තියෙනවා. ඒ නිසා මේ ඉදිරි කාලයේදී මුද්‍රිත මාධ්‍ය සම්පූර්ණයෙන් වැහිලා යන්න නියමිතයි.

සැප්තැම්බර් මාසෙන් පස්සේ ගල් අඟුරු නෑ. ඒ නිසා දැනට කරන ඉලෙක්ට්‍රොනික මාධ්‍ය වලටත් අවශ්‍ය විදුලි බලය සම්පාදනය කිරීම විශාල බරපතල ගැටළුවක් වෙන්න පුළුවන්. ඒ නිසා මේ මාධ්‍ය ආයතන, මාධ්‍යවේදීන් කියන ඒවා පවත්වා ගැනීම රටේ අත්‍යවශ්‍ය කාරණයක්. ඇත්තටම මේකත් එක්ක අපිට පේනවා ඉතාමත්ම නරක විදිහට ආරක්ෂක අංශ යුධ හමුදාව, ගුවන් හමුදාව, නාවුක හමුදාව, සිවිල් ආරක්ෂක බලඇණිය හා පොලීසියේ ඇතැම් නොහික්මුණු පිරිස් මේ ප්‍රශ්නයට මැදිහත් කරන්න උත්සාහ කරමින් ඉන්නවා ආණ්ඩුවත් දේශපාලන ගැති යම් පිරිසකුත්. ඒ නිසා රඹුක්කන සිද්ධිය වගේ රතුපස්වල සිද්ධිය වගේ සිද්ධි ඇති කර ගන්නේ නැතුව ශ්‍රී ලංකා ආරක්ෂක හමුදාවල ඉන්න හමුදාපතිවරුන්ගේ වගකීම තමයි තමන් ගැන නිසා ඇතිවෙච්ච ඒ මහා ගරුත්වය රාජපක්ෂ පවුල රකින්න ගිහිල්ලා නැති කරගන්න එපා. මොකද ආරක්ෂක හමුදාවල සාමාජිකයනුත් අපා දුක් විඳිනවා. ඔවුනුත් මේ පාරට වැටිලා තියෙන්නේ. පොලීසියටත් ගෑස් නැහැ. පොලිසියටත් තෙල් නැහැ. යුධ හමුදාවට ගුවන් හමුදාවට නාවික හමුදාවේ පවුල් වලටත් ගෑස් නැහැ. තෙල් නැහැ. විදුලිය නැහැ. ඒක නිසා කරුණාකරලා මේ රාජපක්ෂ පවුල රකින්න ඇතැම් නිලධාරීන් කටයුතු කළාට නීතියට අනුව කටයුතු කරන්න, රටේ ජනතාවගේ පිළිකුලට භාජනය කරන්න එපා.

  1. ඊයේ වෙනකොට අපි දැක්කා මාස 6 ක් දෙන්න මේ පාර්ලිමේන්තුව ඇතුලේ ඉන්න අය අලුතෙන් පත් කරගෙන ආණ්ඩුවක් හදන්නම් කියලා ජවිපෙ කියනවා?

අපි ජනතා විමුක්ති පෙරමුණටත් ආරාධනා කියලා කරනවා ඇත්තටම එතුමන්ලට පුළුවන් නම් එතුමන්ලටත් අවස්ථාවක් දිය යුතුයි. රට පාලනය කරලා ඔය වේදිකාවේ කතා කරන දේවල් ඔප්පු කරලා පෙන්නන්න ඔවුන්ටත් අවස්ථාවක් දිය යුතුයි. ජනතා විමුක්ති පෙරමුණත් මේ සර්වපාක්ෂික ආණ්ඩුවේ වෙන් කළ නොහැකි කොටසක්. පාර්ලිමේන්තුවෙත් බහුතරය එකඟ නම් කිසි ප්‍රශ්නයක් නෑ.

  1. බහුතරය එකඟ නම් අග්‍රාමාත්‍ය ධූරය අනුර දිසානායක මහත්තයාට දුන්නට කිසිම ප්‍රශ්ණයක් නැහැ?

එතුමාගේ ප්‍රතිපත්ති සහ සමස්තය මතයි අපි කටයුතු කරන්නේ පුද්ගලයෝ මත නෙවෙයි. සර්ව පාක්ෂික ආණ්ඩුවක් හැදෙනවා නම් අන්තර් කාලීන අවම පොදු වැඩපිළිවෙලකට එකඟ නම් ඒ වගේම ජනාධිපති ගෝඨාභය රාජපක්ෂ ගෙදර යවන වැඩසටහනක් තියෙනවා නම් සහ 22 වෙනි  සංශෝධනය ප්‍රශස්ත මට්ටමෙන් සම්මත කරගන්න එකඟතාවයක් තියෙනවා නම් පාර්ලිමේන්තුවේ බහුතරයේ කැමැත්ත තියෙනවා නම් ඒ මත අපි තීරණය ගන්නවා. අපිට ප්‍රශ්ණයක් නැහැ මේ අනුර දිසානායකද, සජිත් ප්‍රේමදාසද, කවුද කියන එක ගැන අපිට ගැටළුවක් නැහැ එතන.

මේ මාධ්‍ය හමුවට එක්වූ 43 සේනාංකය සභාපති කරු පරණවිතාන මහතා සඳහන් කළේ, අර්බුදයට වගකිවයුත්තන් වන රාජපක්ෂලා මේ වන විට අර්බුදය මැද්දෙන් ‘බිස්නස්’ කරමින් රට අරාජිකත්වය කරා යාමට ඉඩ සලසමින් සිටින බවය.

“අප්‍රේල් 9 වෙනිදා සිද්ධිය එන්නට කලින් බොහෝ කලින් ඒ වගේම මේ අර්බුදය මෙච්චර ගැඹුරු වෙන්නට කලින්ම 43 සේනාංකයේ අපි මෙතනම මාධ්‍ය සාකච්ඡාවක් පවත්වලා මාර්තු 25 වෙනිදා ප්‍රකාශ කළා මේ අර්බුදය යන දිහාව දැකලා මේකට තිබෙන්න ඕනේ මෙන්න මේ ආකාරයේ විසඳුමක් කියලා. ඒක තමයි ගෝඨාභය රාජපක්ෂ ජනාධිපතිවරයාගේ සහ මේ බලතල සීමා කරපු, නැවත 19 වෙනි ව්‍යවස්ථා සංශෝධනයේ බලගැන්වෙන, අලුත් ආණ්ඩුක්‍රම ව්‍යවස්ථා සංශෝධනයකින් රටේ ප්‍රජාතන්ත්‍රවාදී ප්‍රතිසංස්කරණ  කෙරෙන්නට ඕනේ. ඒ වගේම තමයි මේ වර්තමාන අර්බුදයෙන් රට මුදාගැනීම සඳහා සර්ව පාක්ෂික ආණ්ඩුවක් පිහිටුවන්නට ඕනේ. ඒ වගේම තමයි ඒ ආණ්ඩුව පොදු අවම වැඩපිළිවෙලක්. රටට ඉදිරිපත් කරන්නට ඕනේ. කියන ක්‍රියාමාර්ග ගත යුතුයි කියලා අපි යෝජනා කළා. රාජපක්ෂලා නොවන සියලු දේශපාලන බලවේග වලට අපි යෝජනා කළා. සමගි ජන බලවේගයට, ජනතා විමුක්ති පෙරමුණට, සුළු දේශපාලන පක්ෂ වලට. ඒ වගේම තමයි මේ වනවිට ආණ්ඩුවෙන් කැඩිලා ඉන්න ස්වාධීන කණ්ඩායම් සියලු දෙනාටම අපි යෝජනා කළේ එකතුවෙලා, පොදු අවම වැඩපිළිවෙලකට එන්න කියලා.”

මේ අවස්ථාවට 43 සේනාංකය  විධායක සභිකයන් වන බන්දුල චන්ද්‍රසේකර  මැතිතුමා සහ තීක්ෂණ ගම්මන්පිල යන මහත්වරුන් ද එක්ව සිටියහ.

-Media unit-

Continue Reading

Facebook

Advertisement

Updates

උණුසුම් පුවත්2 months ago

ඩුබායි යන්න ගිය අරගලකරු ගුවන් යානයේදී අත්අඩංගුවට !

පසුගිය දා ශ්‍රී ලංකා රූපවාහිනී සංස්ථාවට බලහත්කාරයෙන් ඇතුළු වී සජීවී විකාශයකට එක්වූ ‘දනිස් අලි’ යන අය අත්අඩංගුවට ගෙන තිබේ. ගාලු...

උණුසුම් පුවත්2 months ago

රනිල්ට ඉන්දියාවෙන් විශේෂ ඇමතුමක්

පවතින දේශපාලන අස්ථාවරභාවය ඇති කිරීම කෙරෙහි චීන මැදිහත්වීම කෙසේහෝ නතර කර යුතු බවත් ඒ සඳහා RAW (ඉන්දීය බුද්ධි සේවය) වැඩබලන...

උණුසුම් පුවත්3 months ago

බැසිල් රටින් යාම නාට්‍යක් ! ඒ අතරේ ගෝඨා හොරෙන්ම ඩුබායි ගිහින්.

එයේ රාත්‍රියේ ඇමරිකාව බලා පිටව යාමට අද (12) අළුයම කටුනායක බණ්ඩාරනායක ජාත්‍යන්තර ගුවන් තොටුපලට පැමිණි බැසිල් රාජපක්ෂ මහතාට එහිදී දැඩි...

උණුසුම් පුවත්3 months ago

අරලියගහ මන්දිරයත් ජනතාව යටතට!

විරෝධතාකරුවන් මේ වන විට අග්‍රාමාත්‍යවරයාගේ නිල නිවස වන අරලියගහ මන්දිරියට ඇතුළු වී ඇතැයි වාර්තා වේ. වාර්තාකරුවන් පවසන ආකාරයට විශාල පිරිසක්...

උණුසුම් පුවත්3 months ago

ගෝඨාභය ඉල්ලා අස්වෙයි!

ජනාධිපති ගෝඨාභය රාජපක්ෂ මහතා සිය ඉල්ලා අස්වීමේ ලිපිය භාර දී ඇති බවට වාර්තා වේ.

උණුසුම් පුවත්3 months ago

කොළඹ රැය ගෙවන අන්තරේ!

අද දහවල් රොද බඳිමු – පන්නමු යන තේමාව යටතේ අන්තර් විශ්වවිද්‍යාලයීය ශිෂ්‍ය බල මණ්ඩලය විරෝධතා පා ගමනකින් කොළඹ වෙත පැමිණියා....

Off Road3 months ago

ජපානයේ දීර්ඝතම අගමැති ධුරය දැරූ උරුමක්කරු!

ජපානයේ දීර්ඝතම අගමැති ධුරය දැරූ ෂින්සෝ අබේ ඔහුගේ විශේෂ විදේශ ප්‍රතිපත්තිය “ඇබෙනොමික්ස්” ලෙස ජනප්‍රිය වූ අතර එය ආර්ථික උපාය මාර්ගයන්...

උණුසුම් පුවත්3 months ago

ඉන්ධන පිරවුම්හලක ගින්නක් !

මහියංගනය හසලක ඉන්ධන පිරවුම්හලේ ගින්නක් ඇති වී ඇති බවට වාර්තා වේ.මේ සමබන්ධව හසලක පොලිසිය පැවසුවේ සවස ඉන්ධන පිරවුම්හල් ගොඩනැගිල්ලක ගින්නක්...

උණුසුම් පුවත්3 months ago

ජනාධිපති ගෝඨාභය රාජපක්ෂ හෙට දිනයේ ඉවත් වෙයි!

සර්ව පාක්ෂික ආණ්ඩුවක් පිහිටුවීම සඳහා වූ සාකච්ඡාවලින් අනතුරුව මාධ්‍ය වෙත අදහස් පළ කරමින් පාර්ලිමේන්තු මන්ත්‍රී වාසුදේව නානායක්කාර මහතා සඳහන් කරන්නේ...

Off Road3 months ago

අරගලයට එජාප සහය!

එක්සත් ජාතික පක්ෂ නියෝජ්‍ය නායක රුවන් විජේවර්ධන මහතා විසින් ලිපියක් නිකුත් කරමින් දන්වා සිටින්නේ සාමකාමී අදහස් ප්‍රකාශ කිරීමට සහ නිදහස්...

Advertisement
Advertisement

Trending

Copyright © 2020 Lanka C News