Connect with us

Uncategorized

හෙළවෙදකම සහ විෂඝෝර සර්පයන් එක්ක ඉන්න කෑගල්ලේ පාසල් දියණිය..

උග‍්‍ර විෂ සහිත සහ නොවන ඔනෑම උරගයෙකු ඇල්ලීමට හැකි වයස අවුරුදු 19 ක පාසල් දියණියක් අපට කෑගල්ල, මොළගොඩ ප‍්‍රදේ්ශයෙදී හමුවුනා. ඇය තම අත්තාගෙන් සිංහල හෙළ වෙදකමද මනා ලෙස ප‍්‍රගුණ කොට මිට වසර ගණනාවක සිටම දහස් සංඛ්‍යාත රෝගීන්ද සුවපත් කරන්නට බෙහෙත් ලබා දෙන්නේය. මනා ලෙස වෙදකම ප‍්‍රගුණ කල පාසල් දියණියක් ලෙස ප‍්‍රදේශයේ ප‍්‍රසිද්ධියක් ද උසුලයි. ඇය විසින් තමන් ජිවත් වන ප‍්‍රදේශයේ අවට නිවෙස් වලට, වෙළෙද සැල්වලට, ගෙවතු වලට පැමිණෙන විෂ සහිත උරග සතුන් අල්ලා ඔවුන්ගේ ජීවිත වලට කරදරයක් නොවන ලෙසින් කැලයට මුදා හැරිම වසර ගණනාවක් තිස්සේම සිදු කරන්නේ මේ සතුන්ට තිබෙන කරුණාව සහ සත්ව හිසංනයට කුඩා කාලයේ සිටම එතරම් කැමැත්තක් නොදක්වන නිසාය. ඇයගේ මෙම සුවිශේෂි හැකියාව ගැන ඇය හමුවි අප කතා කරමින් මේ සටහන එක් කරන්නේ ඇයගේ සේවය අපේ රටට ඉතා වැදගත් වන නිසාත් කාන්තාවක් ලෙස ඇය තුල පවතින සුවිශේෂි දක්ෂ නිර්භිතකම නොපසුබස්නා උත්සාය ගැන සමාජයට මෙන්ම සමස්ත කාන්තා පරපුරට ආදර්ශයක් ඇයගේ මේ කතාවෙන් ලබා ගැනිමට හැකි වන හෙයිනි.

ඇය නමින් කේ.පී.ඩබ්ලිව්.එච්.බි.හසන්ති භාග්‍යාය හිටිබණ්ඩාර. 19 හැවිරිදි භාග්‍යා රඹුක්කන පින්නවල ජාතික පාසලේ වානිජ විෂය හදාරන මෙවර අ.පො.ස උසස් පෙළ විභාගයට මෙවර පෙනී සිටින සිසුවියක්ද වන අතර ඇයට එක් සහෝදරයෙක් පමණක් සිටින අතර එම පිරිමි සහෝදරයා තුන වසරේ පාසලප් අධ්‍යාපන කටයුතු සිදු කරයි. අප මේ කතාව ලියන මාර්තු 02 වැනි දින වන විට ඇය විසින් අල්ලාගෙන කැලෑවට නිදහස් කර ඇති නයි ගණන 70 කි. උග‍්‍ර විෂ සහිත අල්ලා ඇති උරග සතුන් ගණන 200 කට වැඩි ගණනකි. සමහර නිවෙස් වලට, වෙළෙඳ සැල් වලය මෙන්ම, ගෙවතු වලට පැමිණෙන නිවසියන්ට කරදරයක් වන විෂ සහ උග‍්‍ර විෂ සහිත උරගයින් අල්ලා ගෙනවිත් එම සතුන්ට කරදරයක් නොවි ජිවත් විය හැකි පරිසර පද්ධතියකට මුදා හැරිම ඇය විසින් සිදු කරන්නේ ඉතා කැමැත්තෙන්ය.

හසන්ති පවසන අන්දමට ඇය විසින් මිට වසර තුනකට ඉහතදි මෙම කටයුතු වලට වැඩි වශයෙන්ම නැඹුරු වි ඇත්තේ කුඩා කාලයේ සිට තමන්ගේ මවගේ පියා විසින් පරම්පරාවෙන් පවත්වාගෙන එන හෙළ වෙදකම තුල තමන්ට ලැබුණු දැනුම උපයෝගි කරගෙනයි. මවගේ පියාණන් වන දැනට 66 වියේ පසුවෙන ඞී.ටී. වීරසිංහ මහතා විසින් ප‍්‍රදේශයේ ප‍්‍රසිද්ධ සර්ප වෛද්‍යවරයෙකි. සර්ප දෂ්ඨන වලට ලක් වෙන සමහර ගම්මුන් එම සතුන් අල්ලාගෙන හෝ එම සතුන් මරාගෙන වෛද්‍යවරයා හමුවට පැමිණ ප‍්‍රතිකාර ගැනිමට පුරුදු වි සිටින අතර ඔහු විසින් උග‍්‍ර විෂ සහිත සතුන්ගේ හපා කෑම් වලින් ජිවිත නැතිවිමට ගිය බොහෝ දෙනෙකුට බෙහෙත් ලබා දි සුව කර ඇත. කුඩා කල සිට මෙම වෙදකමට අසාවක් දක්වන හසන්ති විසින් මුලින්ම සමහර මිනිස්සුන් තම අත්තා හමුවට මරා ගෙන එන උරගයින් අත පත ගෑමට පුරුදු වු අතර එම කටයුතු බයක් හෝ පිළිකුලකින් තොරව සිදු කිරිමට පුරුදු විය. සමහර පණ ඇති උරග සතුන් සර්ප දෂ්ඨනයෙන් පසු එම පුද්ගලයන් විසින් අල්ලාගෙන එන අතර ඔවුන්ද දින කිහිපයක් නිවසේ තබා ගෙන සිට කැලෑවට නිදහස් කිරිමට කටයුතු කරන අතර ඒම කටයුතුද කුඩා කාලයේ සිටම මෙම දියණියට හුරු වි ඇත.

තමන්ගේ මීනිබිරියට පරම්පරාවෙන් එන හෙලවෙදකම ලබා දිමට තීරණය කල හසන්තිගේ මවගේ පියා විසින් එම වෙදකම ක‍්‍රමයෙන් හසන්තිට හුරු කරන්නටද විය. ඒ අනුව දැනට වසර ගණනාවක් තිස්සේ හසන්ති අත්තා සිටියදි පවා නිවසට පැමිණෙන රෝගීන්ට අවශ්‍ය බෙහෙත් හෙත් ලබා දෙන්නේය. ඇය පාසල් ගිය අවස්ථාවන් වලදි සහ ඇය නිවසේ නොසිටි අවස්ථාවලදී පමණක් හසන්තිගේ අත්තා විසින් රෝගීන්ට බෙහෙත් ලබා දිම සිදු කර අතර හසන්ති නිවසේ සිටින විට සියලූම රෝගීන් පරික්ෂාවට ලක් කර බෙහෙත් ලබා දිම සිදු කරයි. මේ වන විට අත්තාගේ හැකියාවටත් වඩා ඒහා ගිය හැකියාව නව සොයා ගැනිම් සිදු කරමින් පර්යේෂණ කරමින් අන්තර්ජාලයෙන් පවා ඇය බොහෝ දේ ඉගෙන ගෙන එහි පරතෙරට යමින් සිටි.

අප සමග කතා කරන ලද හසන්ති මෙසේද පැවසිය.

මට හෙළ වෙදකම දැන් හොඳට පුළුවන්. ඒ නිසා ඔනෑම විෂ සහිත උග‍්‍ර විෂ සහිත උරගයෙකු වුනත් අල්ලා අතට ගැනිමට මම බය නැහැ. මීට අවුරුදු කිහිපයකට කලින් මම ඉන්න ප‍්‍රදේශයේ වෙළෙඳ සැලකට උරගෙයක් ඇවිල්ලා ඉදලා ඒ සතා මම නිවසට මරණයෙක් මුදවාගෙන නිවසට ගෙන ආවා. බලපුවාම ඒ සතාගේ ඇගට පොලූ පහරක් වැදිලා තිබුණා ඒ වාගේම ඇගේ ?ස් ( කුෂ්ඨ රෝගයක් * එකක් තිබුණා මම බෙහෙත් කලා සතා අනික් සතුන්ට වඩා ලෙඩ සහිතව හිටපු නිසා සතා කෑලෑවට මුදා හරින්න කලින් ගෙදර තියාගෙන එම සතා සුවපත් කරන වැඬේ කලා. ගෙදර වෙනත් වැඩකට ගෙනාපු ලී පෙටිටයක දාලා නිවසේ ඇතුලෙම තබාගෙන ඒ බෙහෙත් කිරිම් යනආදිය කලා. නමුත් මට මේ කටයුතු වලට වසරකට වැඩි කාලයක් ගියා. මම හිතුවේ මේ උරගයා පිඹුරෙක් කියලා. නමුත් වසරකට වැඩි කාලයක් ගියාම තමයි දැන ගත්තේ මම මෙච්චර කාලයක් ඇති දැඩි කලේ පොළගෙක් කියලා.

මම සමහර උරග සතුන් ඇල්ලූවාට ඒ සතුන්ගේ නම් හරියට දන්නෙත් නැහැ. කොච්චර විෂ සහිත සතෙක්ද කියලාත් මුලින්ම දන්නේ නැහැ. හැබැයි මට කිසිම බයක් දැනෙන්නෙත් නැහැ මේ සත්තු අල්ලන්න. ඒ වාගේම මේ වෙනකම් කිසිම කරදරයක් මට වෙලත් නැහැ. මට සමහර සත්තු හදුනාගන්න බැරි නිසා මම මුලින්ම අල්ලාගෙන බෙහෙත් කරපු සතාගේ පොටෝ එකක් ෆොන් එකෙන් ගහලා ෆෙස් බුක් එකේ ගෲප් එකක් තියනවා සත්තු ගැන එකට දැම්මා එතකොට තමයි මේ සතා හදුනාගත්තේ පොළගෙක් කියලා.

මට සත්තු හදුනාගැනිමට තිබුණු උනන්දුව නිසා ෆෙස්බුක් එකෙන් අයියා ( සජිත් කුමාර * කෙනෙක් හදුනාගත්තා. එයාට අවුරුදු 20 යි. සර්පයන් ගැන හොඳ දැනුමක් තියෙනවා. ඉන්නේ හොරණ එයාගේ මාර්ගයෙන් උරගයන් අල්ලන විදිහ අතේ තියාගෙන ඉන්න විදිහ වාගේම ඔවුන් කැලෑවට මුදා හරින තෙක් සිදු කර යුතු බොහෝ දෑ මම ඉගෙන ගත්තේ ඒ අයියා සමග අන්තර්ජාලයේ ‘‘ වට් සැප් ’’ හරහා. මේ වන විට ඒ අයියා සර්පයන් 500 කට වැඩි ප‍්‍රමාණයක් අල්ලා ඔවුන්ගේ ජීවිත වලට අවශ්‍ය පරිසර පද්ධතියකට මං වාගේම මුදා හැරලා තිබෙනවා.

අපි දෙන්නාගේ මේ මිත‍්‍රකම නිසා ඒ අයියා අපේ ගෙදර ඇවිත් මට උරග සත්තු ඇල්ලීම සම්බන්ධයෙන් ප‍්‍රායෝගිකව කියා දීම් සිදු කලා. එයා ආපු දවසේම අපේ ගෙවල් අසල ළිඳකට වැටිලා හිටපු නයෙක් අපි බේරා ගත්තා. මට ඔහු විසින් ලබා දුන්න උරගයන් සම්බන්ධ අධ්‍යාපනයට මම ඔහුට ලබා දුන්නේ මාගේ අත්තාගේ පරම්පරා අත්වෙදකම දැන් ඔහුට ඒ වෙදකම හොඳට පුළුවන්. ඔහු විසින් ඒ වෙදකමත් එම ප‍්‍රදේශයේ කරගෙන යන්න අවශ්‍ය දැනුම ලබා දුන්නා.
මුලින් මුලින් මාගේ අම්මා, තාත්තා සර්ප සතුන් ඇල්ලීමට එතරම් කැමැත්තක් තිබුණේ නැහැ. මොනවා හරි කරදරයක් කරගයි කියලා නමුත් දැන් නම් ඒ අයගෙන් විශාල බලපෑමක් මට නැහැ. මාගේ අම්මා ගෘහණියක් තාත්තා යුධ හමුදාවේ සේවය කරනවා. අපේ ගෙදර අම්මාගේ පියා සහ මවත් අම්මා සහ මල්ලී මාගේ තාත්තා තමයි ඉන්නේ.

කාන්තාවක් විදිහටත් පාසල් දියණියක් විදිහටත් මේ වාගේ දේවල් කරනවාට සමාජයේ සමහර උදවිය කැමැති නැහැ. විශේෂයෙන්ම මම කාන්තාවක් වන නිසා ඊට සමහර අයගෙන් ලොකු විරෝධයකුත් තියෙනවා. සමහර පිරිස් මම උරගයින් අල්ලාගෙන ගෙදර තියාගෙන ඉන්නවා කියලා වනජීවි එකට වාගේම සත්ව හිංසන සංවිධාන වලට දුරකථන පණිවිඩ දිලා තිබුණා. ඔවුන් මාගෙන් ඇසුවා මම කිවා ඇවිත් බලන්න. මම සත්තු ඇති කරන්නේ නැහැ. මැරෙන්න ගිය පොළගා බෙහෙත් කරලා කැලෑවට දැම්මා. මට කවුරු හරි කතා කරලා නිවසට උරගෙයක් ඇවිත් අපේ වත්තේ විෂ නයි, පොළගුන් වැනි සත්තු ඉන්නවා කිවොත් මම ඒ සත්තු අල්ලාගෙන මල්ලකට දාගෙන අපේ ගෙවල් වලට කිලෝමිටර් 04 ක් විතර එපිටින් තියෙන දොඩම්ගොහේ රක්ෂිතයට මුදා හරිනවා.
ජනග‍්‍රහණය වැඩි වෙන කොට මේ සත්තුන්ට විශාල ලෙස වදවීගෙන යනවා. සමහර පුද්ගලයින් විෂ උරගයන් දැක්කාම උන් මරලා දානවා. නමුත් එක විශාල පවක්. මේ හැම සතෙක්ම අහිංසකයි ඔවුන්ට කරදයක් කරනකොට තමයි උන් අපිව හපා කන්නේ බයට. පොළගා කියන්නේ ඉක්මනින් කෙන්ති යන සතෙක් ඒ නිසා තමයි අනික් සත්තුන්ට වඩා ඒ සතාගේ හපා කෑම් වලට මිනිස්සු භාජනය වන්නේ යැයිද ඇය පවසයි.

මාගේ මාමා අසරණ වෙච්ච සතුන් රක්ෂිතයට මුදා හැරිම් කටයුතු වලදි මට උදව් කරනවා. මාත් එක්ක ත‍්‍රීවිල් එකේ ඇවිත් රක්ෂිතයට ඒ සත්තු මුදා හරින්න උදව් කරනවා. මම අනාගතයේදි මේ සත්තුන් පිළිබඳ වැඩිදුර අධ්‍යාපනයට යොමු විමට ඉතා කැමැතියි. ඒ වාගේම හෙලවෙදකම, පරම්පරික අත්වෙදකම තව තවත් ප‍්‍රගුණ කරන්නට කැමැතියි. හෙලවෙදකම කියන්නේ මහ බලගතු දෙයක් හරියට විෂ්ම කර්මයක් වාගේ තමයි. එහි තිබෙන සමහර කරුණු පැහැදිලි කිරිම සුදුසු නැහැ ප‍්‍රසිද්ධියට නමුත් බටහිර වෙදකමට වඩා අපේ වෙදකම ඉතා දියුණු වෙදකමක් එය තේරුම් ගෙන කටයුතු කල හොත් මේ රටේ බොහෝ දෙනෙකුට එය සුභවාදි වන බව කියන්න ඔනෑ.

මේ සියලූ දේ විස්තර කල ඇයගෙන් අපි තවත් කාරණයක් විමසුවා. මේ සතුන් ඇල්ලීමට මන්ත‍්‍ර ගුරුකම් සහ වෙනත් ක‍්‍රම උපායක් භාවිතයට ගන්නවාද යන්න ගැන ඊට හසන්ති පිළිතුරු දෙමින් මෙසේ කිවාය.

විෂඝෝර සර්පයන් ඇල්ලීමට මම කිසිදු උපකරණයක් භාවිතා කරන්නේ නැහැ. මාගේ අත්දෙකෙන්මයි අල්ලා ගන්නේ. සතාගේ හැසීරිම් මට හොඳින් තේරුම් ගත හැකියි. ඒ නිසා සතා මට මාගේ අත්දෙකේ ඔනෑම වේලාවක් තබා ගැනිමට මට එතරම් අපහසුවක් නොවෙයි. ඒ වාගේම මන්ත‍්‍ර බලෙන් සත්තු අල්ලනවා කියලා කවුරු හරි කියනවා නම් එක මට නම් පිළිගන්න බැහැ. මම හිතන්නේ එක බොරුවක් කියලායි. නිසි පුහුණුවක් තිබුණොත් එක කරන්න පුළුවන් බය නැති වෙන්නත් ඔනෑ. ඒ වාගේම ඒ සතුන් ගැන පිළිකුලක් දැනෙන්ත් බැහැ. සතා මොකාද කියලා හදුනා ගත්තේ සජිත් අයියාගේ උදව්වෙන් තමයි.

මට මේ සත්තු නිදහස් කරලා කැලෑවට නිදහස් කරන්න වනජීවි එකෙන් අවසරයක් ලැබෙනවා නම් ලොකු දෙයක්. ඒ වාගේම සත්තු වෙනුවෙන් මොනවා හරි සංවිධානයක් පටන් ගන්න මම අශාවෙන් ඉන්නේ ඒ වාගේම මිනිස්සු දැනුවත් කරන්නත් මම හරි කැමැතියි. ඒ වාගේම මම හරි කැමැතියි වනජීවි එකේ රැුකියාවක් කරන්න. ඒ සඳහා උදව් කර හැකි කෙනෙක් ඉන්නවා නම් මට උදව් කරන්න යැයිද ඇය අප සමග පැවසිය. (උපුටා ගැනීමකි)

Click to comment

Off Road

ජපානයේ දීර්ඝතම අගමැති ධුරය දැරූ උරුමක්කරු!

ජපානයේ දීර්ඝතම අගමැති ධුරය දැරූ ෂින්සෝ අබේ ඔහුගේ විශේෂ විදේශ ප්‍රතිපත්තිය “ඇබෙනොමික්ස්” ලෙස ජනප්‍රිය වූ අතර එය ආර්ථික උපාය මාර්ගයන් සඳහා ප්‍රසිද්ධ විය. ඉතා ජනප්‍රිය, සහ ඉතා මතභේදයට තුඩු දුන් දේශපාලනඥයෙකු වන 67 හැවිරිදි අබේ ජපාන ලිබරල් ප්‍රජාතන්ත්‍රවාදී පක්ෂය දෙවරක් ජයග්‍රහණය කරා ගෙන ගියේය.

ජපානයේ දීර්ඝතම අගමැති ධුරය දැරූ අබේ, සෞඛ්‍ය හේතූන් මත ඉල්ලා අස්වීමට පෙර වසරක් 2006 වසරේ සහ පසුව 2012 සිට 2020 දක්වා සේවය කළේය.

නිලයේ සිටියදී, ඔහු ආරක්ෂක සහ විදේශ ප්‍රතිපත්ති පිළිබඳ වඩාත් ස්ථීර ප්‍රතිපත්ති ඉදිරිපත් කළ අතර ජපානයේ සාමවාදී පශ්චාත් යුද ව්‍යවස්ථාව සංශෝධනය කිරීමට දිගු කාලයක් උත්සාහ කළේය.

මුදල් ලිහිල් කිරීම, මූල්‍ය උත්තේජක සහ ව්‍යුහාත්මක ප්‍රතිසංස්කරණ මත ගොඩනැගුණු “Abenomics” නමින් හැඳින්වෙන ආර්ථික ප්‍රතිපත්තියක් ද ඔහු නිර්මාණය කළේය.

ටෝකියෝ අගනුවර සිට සැතපුම් 300 පමණ දුරින් – අබේ පාර්ලිමේන්තු මැතිවරණයක් සඳහා නාරා නගරයේ ප්‍රචාරක කටයුතුවල නිරත වෙමින් සිටියදී අද වෙඩි ප්‍රහාරයට ලක්විය.

දේශනය අතරතුර වෙඩි හඬක් නැඟුණු අතර අබේගේ බෙල්ලට දෙවරක් වෙඩි වැදී ඇත. ඔහු වහා ඇද වැටී ළඟම ඇති රෝහලට ගෙන යන ලදී. එම ස්ථානයේ සිටි ආරක්ෂක නිලධාරින් තුවක්කුකරු අල්ලා ගත් අතර ඔහු දැන් අත්අඩංගුවේ පසුවේ. කෙසේනමුත් පැය හතරක ප්‍රතිකාර වලින් පසුව, ජපාන හිටපු අගමැති අබේ මියගිය බව ප්‍රකාශ විය.

සාක්ෂිකරුවන් විසින් විස්තර කරන ලද ආකාරයට විශාල තුවක්කුවක් රැගෙන ගිය පුද්ගලයෙකු හිටපු අගමැතිවරයාට පිටුපසින් දෙවරක් වෙඩි තබා ඇත.

වෙඩි තැබීම සමඟ එම අවස්ථාවේ ඡායාරූපවලින් පෙනී යන්නේ වෙඩිකරු අගමැති අබේට පිටුපසින් සිටන ආකාරයයි.

Continue Reading

Uncategorized

අතහැර දැමූ ට්‍රක් රථයක මළසිරුරු 46ක් !

ඇමරිකාවේ ටෙක්සාස් ප්‍රාන්තයේ සැන් ඇන්ටෝනියෝ නගරයට නුදුරින් අතහැර දමා ගිය ට්‍රක් රථයක තිබී පුද්ගලයන් 46 දෙනෙකුගේ මළසිරුරු හමුවී තිබේ.එහි ගිනි නිවන නිලධාරියෙකු පැවසුවේ ළමුන් සිව් දෙනෙකු ඇතුළු 16 දෙනෙකු ද රෝහල් ගත කර ඇති බවයි. දිවි ගලවා ගත් අය දැඩිව උණුසුම් බවත්,ඔවුන් මේ වන විට තාප ආඝාතයෙන් සහ තාප විඩාවකින් පීඩා විඳින බවත් විදෙස් මාධ්‍ය වාර්තා කරයි.

එක්සත් ජනපද-මෙක්සිකානු දේශසීමාවේ සිට කිලෝමීටර් 250ක් (සැතපුම් 150ක්) දුරින් පිහිටි සැන් ඇන්ටෝනියෝ නගරය, මිනිස්-ජාවාරම්කරුවන් සඳහා ප්‍රධාන සංක්‍රමණ මාර්ගයකි. මිනිස් ජාවාරම්කරුවන් බොහෝ විට මෙම සංක්‍රමණිකයන් එක්සත් ජනපදයට ලඟා කිරීමට සමත් වූ පසු දුර බැහැර ප්‍රදේශවල සිට දේශ සිමා හරහා ප්‍රවාහනය කිරීමට ට්‍රක් රථ භාවිතා කරයි.

රියදුරු විසින් අතහැර දමා ගොස් ඇති මෙම වාහනයේ ක්‍රියාකාරී වායු සමීකරණයක් නොතිබූ බවත් එහි ඇතුළත පානීය ජලය නොතිබූ බවත් විමර්ශන නිලධාරියෙකු විදෙස් මාධ්‍ය වෙත දන්වා තිබේ. ගිම්හාන මාසවලදී සැන් ඇන්ටෝනියෝ දේශගුණය උණුසුම් වන අතර, සඳුදා වන විට එහි උෂ්ණත්වය සෙල්සියස් අංශක 39.4 (F) දක්වා ඉහළ ගොස් ඇති අතර, විපතට පත් වූවන් අධික තාපය, විඩාව සහ විජලනය හේතුවෙන් මිය ගිය බවට සැක කෙරේ.

මෙක්සිකෝවේ විදේශ අමාත්‍ය මාර්සෙලෝ එබ්‍රාඩ් පැවසුවේ රෝහල් ගත කළ අය අතර ගෝතමාලා ජාතිකයන් දෙදෙනෙකු ද සිටින බවයි. අනෙක් අයගේ ජාතිකත්වය මෙතෙක් පැහැදිලි නැතැයි පවසා ඇත. මෙම සිදුවීම සම්බන්ධයෙන් පුද්ගලයන් තිදෙනෙකු අත්අඩංගුවේ පසුවන අතර විමර්ශනය ෆෙඩරල් නියෝජිතයින්ට භාර දී ඇත.

Continue Reading

Uncategorized

ඇමරිකානු ශ්‍රේෂ්ඨාධිකරණය ගබ්සාවට ඇති ව්‍යවස්ථාපිත අයිතිය අහෝසි කරයි!

Roe vs Wade නඩුව 1970 දී ආරම්භ විය. මෙම නඩුව නීත්‍යානුකූල අන්වර්ථය යටතේ “Jane Roe” යටතේ Norma McCorvey විසින් ගොනු කරන ලදී. Roe සහ McCorvey 1969 දී ඇගේ තුන්වන දරුවා බලාපොරොත්තුවෙන් සිටි අතර ගබ්සාවක් කිරීමට අවශ්‍ය විය. කෙසේ වෙතත් ඔවුන් පදිංචි වී සිටි ටෙක්ස්සාස් හි මවගේ ජීවිතය ආරක්‍ෂා කිරීමට අත්‍යවශ්‍ය දෙයක් නම් මිස ගබ්සාවක් සිදු කිරීම නීතියට පටහැනි විය.

ඒ අනුව ටෙක්සාස් හි ගබ්සා නීති ව්‍යවස්ථා විරෝධී බව පවසමින් ඇයගේ ප්‍රජාවේ දිස්ත්‍රික් නීතීඥ Henry Wade ඇය ට එරෙහිව එක්සත් ජනපදයේ ෆෙඩරල් උසාවියක ඇය වෙනුවෙන් නඩුවක් ගොනු කළේය.

ඒ අනුව 2022 ජූනි 24 දින, මහාධිකරණය විසින් ගබ්සා කිරීම් සඳහා වන තහනම  ව්‍යවස්ථාපිත බව තීන්දු කරන ලද අතර, විනිසුරු සැමුවෙල් ඇලිටෝ විසින් බහුතර මතය ලිවීමත් සමඟ ක්ලැරන්ස් තෝමස්, නීල් ගොර්සුච්, බ්‍රෙට් කැවනෝ සහ ඇමී කෝනි බැරට් යන විනිසුරුවරුන් මෙයට එකඟ වී ඇත.

ශ්‍රේෂ්ඨාධිකරණය 1973 ජනවාරි 22 දින 7-2 තීන්දුවක් මගින් කියා සිටියේ එක්සත් ජනපද ආණ්ඩුක්‍රම ව්‍යවස්ථාවේ දහහතරවන සංශෝධනයේ නියමිත ක්‍රියාදාම වගන්තිය අනුව ගර්භනී කාන්තාවකට ගබ්සා කිරීමේ අයිතිය සහතික කරයි. කෙසේ වෙතත්, ගබ්සාවකට ඇති අයිතිය නිරපේක්ෂ නොවන බවත්, කාන්තාවන්ගේ සෞඛ්‍යය සහ නූපන් දරුවන් ආරක්ෂා කිරීම සඳහා රජයට ඇති අවශ්‍යතාවලට එරෙහිව එය පිරික්සා බැලිය යුතු බවත් අධිකරණය තීන්දු කළේය. නමුත් වසර 50කට පමණ පසු එක්සත් ජනපද ශ්‍රේෂ්ඨාධිකරනය Roe v Wade  නඩුව සම්බන්දයෙන් ලබා දුන් සුවිශේෂී නඩු තීන්දුවෙන් ස්ථාපිත වූ ගබ්සාව සඳහා වන ව්‍යවස්ථාපිත අයිතිය අහෝසි කර ඇත.

දැන්, නවතම විනිශ්චය එක්සත් ජනපදයේ ප්‍රාන්තවලින් අඩක් පමණ ගබ්සා කිරීම් දැඩි ලෙස සීමා කරන හෝ සම්පූර්ණයෙන්ම තහනම් කරන නව නීති රැල්ලක් අවුලුවාලීමට ඉඩ තිබේ. ප්‍රාන්ත 13 ක් ඊනියා “ප්‍රේරක නීති” සම්මත කර ඇති අතර, ශ්‍රේෂ්ඨාධිකරණයේ පියවරෙන් පසු ගබ්සාව සීමා කරනු ඇත.

කාන්තාවන්ට ගබ්සාව සඳහා අඩ සියවසකට ආසන්න කාලයක සිට ඇමරිකානු ව්‍යවස්ථාවෙන් ලබා දී තිබු අයිතිය ඒ අනුව උල්ලංඝනය වේ. මෙයට පෙර ඇමරිකාව තුළ ගබ්සාව අපරාධයක් ලෙස නොදුටු අතර කාන්තාවගේ ශරීරයේ පාලනයේ නිදහස හා අයිතිය ඇයට මෙ මඟින් ලබා දී තිබිණි. නමුත් එම නිදහස ඊයේ දිනයේ දුන් නඩු තීන්දුවට අනුව  ශ්‍රේෂ්ඨාධිකරණය විසින් කාන්තාවට ව්‍යස්ථාවෙන් ලබා දී තිබු අයිතිය අත්තනෝමතික ලෙස උල්ලංඝණය කර ඇත. 

ඊයේ ලබා දුන් මෙම  විනිශ්චය සමඟ එක්සත් ජනපදයේ ප්‍රාන්තවලින් අඩක් පමණ ගබ්සා කිරීම් දැඩි ලෙස සීමා කරන හෝ සම්පූර්ණයෙන්ම තහනම් කරන නව නීති රැල්ලක් ඇති කිරීමට  ඉඩ තිබේන බවට විදෙස් මාධ්‍ය වාර්තා කරයි. මේ වන විටත් ප්‍රාන්ත 13 ක් “ප්‍රේරක නීති” සම්මත කර ඇති අතර, ශ්‍රේෂ්ඨාධිකරණයේ පියවරෙන් පසු ගබ්සාව සීමා කරනු ඇති බවටත් එරට මාධ්‍ය ප්‍රකාශ කරයි.

මෙම නඩු තීන්දුව සමඟ ආරිකානු කාන්තා අයිතීන් සුරැකීමේ සංවිධාන සහ ලෝකයේ බොහෝ රටවල දේශපාලන නායකයින් පවා මෙයට විරෝදය දක්වා ප්‍රකාශ නිකුත් කර ඇත. එමෙන්ම මේ වන විට ඇමරිකාව පුරා විරෝධතා රැල්ලක් ආරම්භ වී ඇත.

Continue Reading

Facebook

Advertisement

Updates

උණුසුම් පුවත්2 months ago

ඩුබායි යන්න ගිය අරගලකරු ගුවන් යානයේදී අත්අඩංගුවට !

පසුගිය දා ශ්‍රී ලංකා රූපවාහිනී සංස්ථාවට බලහත්කාරයෙන් ඇතුළු වී සජීවී විකාශයකට එක්වූ ‘දනිස් අලි’ යන අය අත්අඩංගුවට ගෙන තිබේ. ගාලු...

උණුසුම් පුවත්2 months ago

රනිල්ට ඉන්දියාවෙන් විශේෂ ඇමතුමක්

පවතින දේශපාලන අස්ථාවරභාවය ඇති කිරීම කෙරෙහි චීන මැදිහත්වීම කෙසේහෝ නතර කර යුතු බවත් ඒ සඳහා RAW (ඉන්දීය බුද්ධි සේවය) වැඩබලන...

උණුසුම් පුවත්3 months ago

බැසිල් රටින් යාම නාට්‍යක් ! ඒ අතරේ ගෝඨා හොරෙන්ම ඩුබායි ගිහින්.

එයේ රාත්‍රියේ ඇමරිකාව බලා පිටව යාමට අද (12) අළුයම කටුනායක බණ්ඩාරනායක ජාත්‍යන්තර ගුවන් තොටුපලට පැමිණි බැසිල් රාජපක්ෂ මහතාට එහිදී දැඩි...

උණුසුම් පුවත්3 months ago

අරලියගහ මන්දිරයත් ජනතාව යටතට!

විරෝධතාකරුවන් මේ වන විට අග්‍රාමාත්‍යවරයාගේ නිල නිවස වන අරලියගහ මන්දිරියට ඇතුළු වී ඇතැයි වාර්තා වේ. වාර්තාකරුවන් පවසන ආකාරයට විශාල පිරිසක්...

උණුසුම් පුවත්3 months ago

ගෝඨාභය ඉල්ලා අස්වෙයි!

ජනාධිපති ගෝඨාභය රාජපක්ෂ මහතා සිය ඉල්ලා අස්වීමේ ලිපිය භාර දී ඇති බවට වාර්තා වේ.

උණුසුම් පුවත්3 months ago

කොළඹ රැය ගෙවන අන්තරේ!

අද දහවල් රොද බඳිමු – පන්නමු යන තේමාව යටතේ අන්තර් විශ්වවිද්‍යාලයීය ශිෂ්‍ය බල මණ්ඩලය විරෝධතා පා ගමනකින් කොළඹ වෙත පැමිණියා....

Off Road3 months ago

ජපානයේ දීර්ඝතම අගමැති ධුරය දැරූ උරුමක්කරු!

ජපානයේ දීර්ඝතම අගමැති ධුරය දැරූ ෂින්සෝ අබේ ඔහුගේ විශේෂ විදේශ ප්‍රතිපත්තිය “ඇබෙනොමික්ස්” ලෙස ජනප්‍රිය වූ අතර එය ආර්ථික උපාය මාර්ගයන්...

උණුසුම් පුවත්3 months ago

ඉන්ධන පිරවුම්හලක ගින්නක් !

මහියංගනය හසලක ඉන්ධන පිරවුම්හලේ ගින්නක් ඇති වී ඇති බවට වාර්තා වේ.මේ සමබන්ධව හසලක පොලිසිය පැවසුවේ සවස ඉන්ධන පිරවුම්හල් ගොඩනැගිල්ලක ගින්නක්...

උණුසුම් පුවත්3 months ago

ජනාධිපති ගෝඨාභය රාජපක්ෂ හෙට දිනයේ ඉවත් වෙයි!

සර්ව පාක්ෂික ආණ්ඩුවක් පිහිටුවීම සඳහා වූ සාකච්ඡාවලින් අනතුරුව මාධ්‍ය වෙත අදහස් පළ කරමින් පාර්ලිමේන්තු මන්ත්‍රී වාසුදේව නානායක්කාර මහතා සඳහන් කරන්නේ...

Off Road3 months ago

අරගලයට එජාප සහය!

එක්සත් ජාතික පක්ෂ නියෝජ්‍ය නායක රුවන් විජේවර්ධන මහතා විසින් ලිපියක් නිකුත් කරමින් දන්වා සිටින්නේ සාමකාමී අදහස් ප්‍රකාශ කිරීමට සහ නිදහස්...

Advertisement
Advertisement

Trending

Copyright © 2020 Lanka C News